«My pravavaja dziaržava». Litoŭski MZS usio ž nie znajšoŭ padstaŭ, kab nie puskać u krainu Śviatłanu Łabadu
Ministerstva zamiežnych spraŭ Litvy zajaviła, što nie znajšło pravavych padstaŭ dla ŭniasieńnia papularnaj u Rasii ŭkrainskaj vykanaŭcy Śviatłany Łabady ŭ śpis niepažadanych asob.
Jak skazaŭ žurnalistam u piatnicu vice-ministr Mantas Adamienas, pracedura mahčymaha ŭklučeńnia śpiavački ŭ zhadany śpis była raspačataja «ŭ sieradu, kali ŭ litoŭskim hramadstvie paŭstali pytańni ab majučych adbycca kancertach u Litvie ŭkrainskaj śpiavački Łabady, jakaja karystajecca nieadnaznačnaj reputacyjaj».
«MZS źviarnuŭsia da svaich partnioraŭ va Ukrainie z prośbaj dać acenku publičnym zajavam i pazicyi śpiavački pierad abliččam rasijskaj ahresii. Pieršyja źviestki, jakija pastupili, śviedčyli pra toje, što mohuć być padstavy dla ŭniasieńnia jaje ŭ śpis niepažadanych asob», — skazaŭ vice-ministr.
«Ale paśla vyvučeńnia jurydyčnych faktaŭ stała zrazumieła, što niama nijakich abjektyŭnych padstaŭ abo abjektyŭnych źviestak, jakija śviedčać pra toje, što zhodna ź dziejnym u Litvie zakonam jana moža być uklučanaja ŭ hety śpis pierson non-hrata (…). Pakolki my pravavaja dziaržava, pytańnie jašče razhladajecca, idzie zbor materyjału, paśla atrymańnia novaj infarmacyi moža być pryniata inšaje rašeńnie, ale na dany momant padstaŭ dla inšaha rašeńnia niama», — dadaŭ vice-ministr.
Pa słovach Adamienasa, na rašeńnie taksama paŭpłyvała toje, što, jak vyśvietliłasia, sioleta ŭ sakaviku śpiavačka była vyklučanaja sa śpisa niepažadanych asob va Ukrainie.
Choć śpiavačka viała aktyŭnuju kancertnuju dziejnaść u Rasii paśla akupacyi Rasijaj Kryma, a ŭ 2015 hodzie taksama śpiavała 9 maja na mierapryjemstvie, pryśviečanym pieramozie Savieckaha Sajuza ŭ Druhoj suśvietnaj vajnie, paśla pačatku intensiŭnych bajavych dziejańniaŭ sioleta ŭ lutym vykanaŭca źjechała na Zachad i chacieła vystupić na dabračynnym mierapryjemstvie ŭ Łatvii, pryśviečanym padtrymcy Ukrainy, ale arhanizatary joj nie dazvolili. Akramia taho, Łabada akazvała dapamohu paciarpiełym ad rasijskaj ahresii.
Dniom raniej paviedamlałasia, što Śviatłana Łabada, jakaja płanavała kancertny tur pa bujnych haradach Litvy, budzie dadadzienaja ŭ śpis niepažadanych u Litvie asob. Pra heta zajaŭlali pradstaŭnica ministra zamiežnych spraŭ Litvy Paŭlina Levickicie i ministr kultury Simonas Kajrys.
Čytajcie taksama:
Što supolnaha pamiž Śviatłanaj Łabadoj i śpievakom Chabibam?
Śviatłana Łabada: Z hetaha momantu ŭ mianie pačałosia novaje žyćcio, žyćcio ŭ piekle
Što za studentka Uljana, ź jakoj na bali valsiravaŭ Łukašenka?18
Kamientary
A kali pa temie, to adno z taho, čamu mienia navučyŭ 20hod, heta toje, što inkali z tych chto pamylaŭsia/nie cikaviŭsia ničym akramia sabie i svajoj siamji atrmylivajucca našmat bolš jaskravyja i ščyryja lidary čym z tych, chto byŭ ŭ temie “z pačatku”. Tamu maja pavaha Śviatłanie;-)