Kiraŭnictva Banuba na čale z CEO Źmitrom Ahijevičam vykupiła dolu zasnavalnika i asnoŭnaha inviestara kampanii Viktara Prakapieni, jaki vałodaŭ joj praz VP Capital, daviedaŭsia dev.by.
Banuba maje namier zachavać kadry i pracu nad praduktami.
— My ŭdziačnyja VP Capital za mientarskuju dapamohu ŭ pošuku fokusa i pry raspracoŭcy technałohij, a taksama za finansavuju padtrymku na šlachu da pośpiechu, — kaža Ahijevič. — Dziakujučy hłybokim viedam haliny i markietynhu Viktara Prakapieni ciapier Banuba skancentravanaja na roście lidarstva ŭ siektary Face AR i Virtual Try-On. My vyraśli, i naśpieŭ čas nabyć dolu VP Capital.
— Heta taja forma prajekta, dla padtrymki jakoj i była stvoranaja VP Capital, — dapamoha ŭ atrymańni maksimalnaj addačy ad vielmi dobraj technałahičnaj idei, — skazaŭ Prakapienia. — My zyčym Banuba vialikich pośpiechaŭ.
Banuba — raspracoŭščyk razumnaha prahramnaha zabieśpiačeńnia dla kamier telefonaŭ na asnovie štučnaha intelektu, jaki stvaraje imiersiŭnuju dapoŭnienuju realnaść (AR). Taksama stvaraje rašeńni dla B2B — haliny suviazi i elektronnaj kamiercyi, a jašče prapanuje kamplekty dla raspracoŭki prahramnaha zabieśpiačeńnia dla redahavańnia videa na mabilnych płatformach, takich jak TikTok. Kampanija zarehistravała bolš za 40 patentavych zajavak. Štomiesiac technałohii Banuba vykarystoŭvajucca ŭ bolš jak 100 miljonach sieansaŭ AR.
Zasnavanaja ŭ 2016 hodzie jak daśledčaja łabaratoryja kampjutarnaha zroku i štučnaha intelektu. Štab-kvatera znachodzicca ŭ Hankonhu, ofisy — u krainach ES. Kolkaść supracoŭnikaŭ — 50. Pryciahnuła $5 młn u lutym 2017 hoda, $7 młn u listapadzie 2018 hoda ad fondaŭ VP Capital i Larnabel Enterprises.
-
Kanadski prafiesar zaklikaŭ biełarusaŭ da vyklučnaj strymanaści ŭ pytańni dystancyjavańnia ad Rasii
-
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
-
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ5
Kamientary