U Vilni budzie bastavać hramadski transpart. Voś jak heta robicca, kab i intaresy adstajać, i horad nie kałapsavaŭ
Rabotniki hramadskaha transpartu ŭ Vilni ŭ siarednim zarablajuć kala 1800 jeŭra za miesiac (paśla vypłaty padatkaŭ, na ruki — kala 1100 jeŭra). Tym nie mienš, vilenskija kiroŭcy miarkujuć, što hetaha mała, i buduć dabivacca rostu zarobkaŭ šlacham zabastoŭki. Nichto ich za heta nie aryštoŭvaje, ale sud vyznačyŭ taki paradak zabastoŭki, pry jakim horad taksama nie patrapić u kałaps.
Prafsajuz municypalnaj kampanii «Vilenski hramadski transpart» (VVT) abjaŭlaje biesterminovuju zabastoŭku.
Zabastoŭka pačniecca ŭ noč na 5 śniežnia, u 00.00 hadzin. Jana budzie prachodzić u adpaviednaści z ustanoŭlenym sudom paradkam — na kožnym maršrucie budzie kursiravać nie mienš za pałovu aŭtobusaŭ i tralejbusaŭ. U zabastoŭcy płanujuć uziać udzieł kala 1000 rabotnikaŭ usich troch departamientaŭ.
Buduć kursiravać 50 pracentaŭ aŭtobusaŭ i tralejbusaŭ kožnaha maršrutu. Naprykład, kali maršrut absłuhoŭvajuć 10 aŭtobusaŭ ci tralejbusaŭ u dzień, ich stanie 5. Rabotniki płanujuć bastavać da pieramohi, da kalektyŭnaha pahadnieńnia z ustanoŭlenym paradkam apłaty pracy.
Nichto ich za heta nie budzie zapałochvać, zvalniać, aryštoŭvać. Usio prachodzić pavodle zakonu. Ź inšaha boku, hramadski transpart u horadzie praciahnie pracavać, kab paźbiehnuć transpartnaha kałapsu. Takim čynam, uličvajucca intaresy jak transpartnikaŭ (jakija patrabujuć vyšejšych zarobkaŭ), tak i hramadstva (jakoje budzie praciahvać karystacca hramadskim transpartam).
Za vierasień na pradpryjemstvie «Vilenski hramadski transpart» (VVT) siaredni zarobak tych, chto pracuje na adnu staŭku, skłaŭ 1825,71 jeŭra. Na ruki, «čystymi», heta vychodzić bolš za 1100 jeŭra.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary