Hramadstva66

Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty

Tolki niadaŭna hramadstvu stała viadoma pra maštab dostupu ahienta HUBAZiK da «Čornaj knihi Biełarusi». Jaho zrabili tam «šefam pa biaśpiecy», i jon mieŭ poŭny dostup da bota i ŭsioj sietki kanałaŭ ČKB. Całkam imavierna, što ŭ jaho jość poŭnaja baza danych usich, chto tudy pisaŭ za hety čas, i padpisantaŭ hetych hrup. Tłumačym, jak pracujuć telehram-boty, jakija danyja mohuć być u siłavikoŭ i jak abaranić siabie ad zatrymańnia, kali vy pišacie ŭ telehram-bot, asabliva ź Biełarusi.

Fota: VLVCHK

Što moža być viadoma siłavikam z bota «Čornaj knihi Biełarusi»?

Usia infarmacyja z bota ČKB u pieryjad z kanca vieraśnia 2020 hoda da pačatku lipienia 2021 hoda i śpis padpisantaŭ sietki ČKB. Heta značyć, usio, što tady dasyłali ludzi, a taksama ich niknejmy, imiony akaŭntaŭ i Telegram-ID. Imavierna, hetyja akaŭnty ŭžo jość u bazie telehram-akaŭntaŭ MUS «T-Poisk».

Viadoma, što heta nie 10 tysiač čałaviek, a 10 tysiač roznych akaŭntaŭ, jakija słali danyja ŭ bot ČKB, uklučna z paviedamleńniami, što nie ŭtrymlivali karysnaj infarmacyi.

Što rabić, kali ja słaŭ tudy infarmacyju i ŭsio jašče ŭ Biełarusi (ci bajusia za siamju ŭ Biełarusi)?

My nie viedajem, što ŭ siłavikoŭ na vas jość. Chutčej za ŭsio, jany nie zdoleli identyfikavać bolšaść infarmataraŭ i ŭdzielnikaŭ kanałaŭ ČKB i štorazu praviarajuć ludziej pry zatrymańni pa hetym śpisie asobna (padobna, mienavita heta adbyłosia ź siamiejnaj paraj, jakuju zatrymali niadaŭna).

Hałoŭnaja parada takaja: vydalicie vaš «zaśviečany» telehram-akaŭnt, pierad hetym pačyściŭšy keš miedyja i bazaŭ danych telehram. Paśla hetaha vydalicie sa smartfona fota i materyjały, jakija mohuć vas vydać jak infarmatara ČKB ci inšaj pratesnaj inicyjatyvy (naš hajd — tut, nie zabyvajciesia pra keš prahram-prahladalnikaŭ). Paśla lepš na ŭsialaki vypadak prajścisia pa volnaj prastory telefona prahramaj iShredder.

Paśla stvarycie novy akaŭnt, pažadana — na virtualny numar i praz VPN (vielmi chutka my raskažam, jak biaśpiečna stvarać telehram-akaŭnty). Taksama lepš ustalavić Partyzanski telehram i mieć jak minimum dva akaŭnty, kali vy hetaha jašče nie zrabili.

Kali vas jašče nie zdoleli ŭstanavić jak uładalnika akaŭnta, to heta značyć, što vy byli dastatkova aściarožnym, — ale jany zrobiać heta pry pieršym ža zatrymańni, i tady vam śviecić vialiki termin.

Navat kali vy za miažoj i nie ŭpeŭnienyja, što dobra šyfravalisia, to ŭ Biełarusi vam moža pahražać turemny termin u vypadku viartańnia, kali vy padavali ŭ bot ČKB značnuju infarmacyju.

Jość adčuvańnie, što biessensoŭnyja ci admoŭnyja dopisy ŭ bot nichto ŭsurjoz «adpracoŭvać» nie budzie, ale navat da takich karystalnikaŭ mohuć pryjści ź pieratrusam «na ŭsialaki vypadak», tamu im varta zaścierahčysia. Akramia taho, całkam vierahodna, što ŭ HUBAZiKa jość śpisy ŭsich padpisantaŭ hrup ČKB ź vieraśnia 2020-ha pa lipień 2021-ha hoda i, viadoma, usich kamientataraŭ. Takim ludziam taksama pažadana vydalić akaŭnt i vyčyścić smartfon.

Udakładnieńnie. Jašče adna opcyja pa biaśpiecy — źjechać ź Biełarusi adrazu paśla ačystki telefona i pierastvareńnia akaŭnta.

Jak uvohule pracujuć Telegram-boty?

My pisali pra heta ŭ našym vialikim artykule pra telehram, ale važna paŭtaryć heta jašče raz.

Kožnaha razu, kali vy pišacie ŭ bot, to vy addajacie nie tolki vaša imia i juziernejm, ale i ID. Navat kali administratar kanała hetaha nie bačyć, to vy jaho addajacie, da prykładu, na siervier, na jakim zachoŭvajecca bot.

Heta ž adbyvajecca pry lubym uzajemadziejańni ŭ telehramie — kali vy pišacie čałavieku ci ŭstupajecie ŭ hrupu, to ŭsim udzielnikam kamunikacyi jaŭna bačny vaš ID. Kali na inšym kancy čekist ci hubazikaviec, to jon abaviazkova zanatuje fakt zvarotu.

Jak zaścierahčysia zahadzia, kali pišaš u telehram-boty i asabliva ź Biełarusi?

Kali vy asabista nie viedajecie taho, kamu pišacie — heta zaŭždy ryzyka ŭ lubym vypadku, a asabliva ŭ vypadku, kali vy žyviacie va ŭmovach fašysckaj dyktatury.

Nie paviedamlajcie bolš za nieabchodnym minimum (asabliva kali pra heta niečakana i nastojliva prosiać) i, pažadana, pišycie z akaŭnta, nijak nie źviazanaha z vami i stvoranaha na virtualny numar.

Taksama, kali vy ŭ Biełarusi, to lepš vydalać ślady botaŭ z vašaha telehrama paśla kožnaha kantaktu — my pierakazvali hajd ad «Kibierpartyzanaŭ», jaki raspaviadaje pra heta.

My daviarajem tym, chto administruje bot našaha vydańnia, ale kiravacca lepš adnymi i tymi ž pryviłami dla ŭsich botaŭ.

«Naša Niva» — bastyjon biełaruščyny

PADTRYMAĆ

Čytajcie jašče:

Jak nadziejna vyčyścić foty z vašych smartfonaŭ — padrabiazny hajd

Jak pačyścić telehram-boty, kab nie zastałosia nijakich śladoŭ VIDEA

Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd

Kamientary6

  • daviedka
    22.11.2022
    Telegram — zło!
  • Pcič
    22.11.2022
    Ciešyć, NN narešcie dapiorła dapamahać ludziam z naładkami ichnych hadžetaŭ. Bolšaść narodu mała siače ŭ hetym.
  • Janka
    22.11.2022
    Pozdnovato spochvatiliś

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu18

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA20

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →