«Paśla padziejaŭ u Kazachstanie nie strymaŭsia»: vyniesieny prysud žycharu Minska Michaiłu Niamcovu
U Minskim abłasnym sudzie 14 listapada zaviaršyŭsia razhlad kryminalnaj spravy 34-hadovaha žychara stalicy Michaiła Niamcova. Jaho abvinavacili ŭ raspalvańni inšaj sacyjalnaj varožaści pa č. 1 art. 130 Kryminalnaha kodeksa i ŭ abrazie prezidenta (č. 1 art. 368).
Spravu razhladała sudździa Iryna Majko, piša «Viasna».
Pa materyjałach abvinavačańnia, Michaił Niamcoŭ 5 studzienia 2022 hoda z dapamohaj mabilnaha telefona iPhone raźmiaściŭ u telehramie paviedamleńnie, u jakim źmiaščałasia vidavočna niehatyŭnaja acenka asob, jakija słužać u armii i ŭnutranych vojskach Rasii i Biełarusi. Hetyja acenki źviazanyja z padziejami ŭ Kazachstanie, kali tam adbylisia chvalavańni i hibiel mirnych pratestoŭcaŭ. U publikacyi, jak śćviardžaje śledstva, Niamcoŭ vykarystaŭ nienarmatyŭnuju leksiku, zaklikaŭ da hvałtoŭnych dziejańniaŭ u dačynieńni da nazvanaj hrupy asob.
Akramia taho, 6 studzienia 2022 hoda abvinavačany raźmiaściŭ u internecie paviedamleńnie, u jakim prynižaŭ honar i hodnaść Łukašenki.
Sudovy praces doŭžyŭsia z 6 kastryčnika.
U vyniku na padstavie č. 1 art. 130 č. 1 art. 368 KK Niamcovu pa sukupnaści złačynstvaŭ pryznačana pakarańnie ŭ vyhladzie pazbaŭleńnia voli na termin try hady z adbyvańniem u papraŭčaj kałonii va ŭmovach ahulnaha režymu.
Kamientary