Pres-sakratar prezidenta Ukrainy Siarhiej Nikifaraŭ paviedamiŭ, što Uładzimir Zialenski voźmie ŭdzieł u samicie «Vialikaj dvaccatki» na Bali 15-16 listapada.
«U niejkim farmacie, viadoma, Uładzimir Zialenski voźmie ŭdzieł u samicie G20. Bolš skazać nie mahu», — skazaŭ Nikifaraŭ u intervju «Suśpilnamu». Jon dadaŭ, što, vierahodna, havorka idzie pra anłajn-farmat.
Zialenski nie vyjazdžaŭ z Ukrainy z pačatku poŭnamaštabnaha rasijskaha ŭvarvańnia.
Samit G20 moh by stać unikalnym miescam, dzie prezidenty Rasii i Ukrainy apynulisia b u adnym pamiaškańni, ale, vierahodna, heta i jość adna z pryčyn, čamu ich prybyćcio na Bali dahetul nie paćvierdžanaje. Uładzimir Pucin sam kazaŭ 31 kastryčnika, što rašeńnie ab jaho ŭdziele ŭ samicie jašče nie pryniataje. Jaho pres-sakratar Dźmitryj Piaskoŭ ŭčora abiacaŭ, što kančatkovaje rašeńnie budzie abvieščana na hetym tydni.
Prezident Indanezii Džok Vidoda ŭčora ž skazaŭ, što, pavodle jaho ŭražańniaŭ, Pucin nie pryjedzie na samit. Siońnia, adnak, Vidoda skazaŭ u intervju Błumbierhu, što prybyćcio i Pucina, i Zialenskaha mahčymaje, «kali dazvolić situacyja».
Zialenski 3 listapada zajaŭlaŭ, što kali Pucin voźmie ŭdzieł u samicie, to ni jon, ni chtości z pradstaŭnikoŭ Ukrainy ŭdzielničać u im nie budzie.
Što zapisana aficyjnaj pryčynaj śmierci adzinaha syna Jarmošynaj?9
Kamientary