Navukoŭcy śćviardžajuć, što pry niekatorych abstavinach łajanka moža być karysnaj. Ale jość niuansy

Jak vyśvietlili navukoŭcy, kali my maciukajemsia, kab vyrazić radaść abo salidarnaść, heta moža stanoŭča paŭpłyvać na našy adnosiny. Łajanka moža prymusić nas vyhladać bolš pierakanaŭča, dapamahčy ludziam śmiajacca, spraŭlacca z ahresijaj na darozie i navat palehčyć adčuvańnie bolu, piša The Times.

Navukoŭcy, adnak, papiaredžvajuć: budźcie ŭvažlivyja, dzie i pierad kim vy łajeciesia, kali nie chočacie, kab pra vas drenna padumali.

Daśledčyki z Brytanii i Šviecyi adznačajuć, što niecenzurnuju łajanku doŭhi čas nie prymali jak naležnuju temu dla surjoznych daśledavańniaŭ, bo maciuki ličylisia prykmietaj ahresii, słabaha vałodańnia litaraturnaj movaj ci navat nizkaha intelektu. Ciapier ža ŭ navukoŭcaŭ šmat śviedčańniaŭ, jakija asprečvajuć hetaje mierkavańnie.

Navukoŭcy vyvučyli 100 navukovych prac pa łajancy i vyśvietlili, što jana «biassprečna adroźnivajecca ad inšych formaŭ vykarystańnia movy i macniejšaja za ich», i navat moža być źviazana ź inšaj častkaj mozhu, čym zvyčajnaje maŭleńnie.

Daśledčyki sfarmulavali niekalki metaŭ łajanki, jakija možna nazvać u cełym stanoŭčymi. Siarod ich u tym liku pieradača takich emocyj, jak radaść, hnieŭ, chvalavańnie i strach, a taksama adčuvańnie salidarnaści i tavarystva ź siabrami. Łajanku mohuć vykarystoŭvać dziela humaru i akcentu na asobnych słovach.

Łajanka, ličać navukoŭcy, moža vałodać takoj emacyjanalnaj siłaj, jakoj niama ŭ inšych formach maŭleńnia, bo jana zdolnaja vyklikać u słuchača emacyjanalnaje ŭzbudžeńnie. Taksama łajanka moža prymusić stavicca z bolšym davieram jak da samoj infarmacyi, što pieradajuć ź jaje dapamohaj, tak i da tych, chto havoryć. Praviedzienyja ŭ siaredzinie 2000-ch hadoŭ daśledavańni pakazali, što ludzi ŭsprymajuć tekstavyja paviedamleńni z maciukami jak bolš praŭdapadobnyja i pierakanaŭčyja, čym tyja, u jakich niama łajanki.

U šerahu daśledavańniaŭ pa pieranosnaści bolu było vyjaŭlena, što ŭdzielniki mahli daŭžej trymać ruki ŭ jomistaści ź ledzianoj vadoj, kali pry hetym jany łajalisia. Praca 2018 hoda pakazała, što łajanka dapamahała kiroŭcam spraŭlacca z hnievam u stresavych situacyjach na darohach. Inšaja praca, zroblenaja ŭ 2014 hodzie, pakazała, što patencyjnyja vybarščyki lepš stavilisia da tych palitykaŭ, jakija łajalisia ŭ błohach, bo pačuć ad ich maŭleńnie ŭ mienš aficyjnym styli było dla ludziej dobrym siurpryzam.

Jak u kamianieckuju viosku pryjšła amierykanskaja łajanka — i transfarmavałasia ŭ dziŭnaje «kies mojes»

Zialenski pra pierachoplenyja razmovy akupantaŭ: Ja ruskuju movu lepš viedaju

«Kali na Vaładarcy źviarnulisia na «vy» — dla mianie byŭ kulturny šok». Były palitviazień — pra dva miesiacy pad vartaj za abrazu Łukašenki ŭ Instagram

• 3
• 0
• 2
• 1
• 2
• 0
• 0
• 0