Roŭnaja pastava moža być nie takoj karysnaj, jak zdajecca. Tłumačym, jak trymać chrybiet zdarovym

Pierš za ŭsio vyśvietlim, što ž nasamreč ličać dobraj pastavaj. Heta pazicyja, pry jakoj vy trymajecie hałavu ŭ centry nad tazam i stupniami i vašy hałava i šyja nie nachilajucca nazad ci napierad — zamiest hetaha vy staicie vyprastana i vašy hałava, taz i stupni znachodziacca na adnoj linii, tłumačyć Huffpost.

Tym nie mienš, taki typ pastavy pasuje nie kožnamu čałavieku. U suviazi ź niekatorymi zachvorvańniami nakštałt artrytu chrybta niekatoryja ludzi, asabliva pažyłyja, adčuvajuć siabie lepš, kali nachilajucca. Kali b taki čałaviek uvieś dzień siadzieŭ z vyprastanaj śpinaj, jon by adčuvaŭ bol.

Akramia taho, naša cieła źmianiajecca z uzrostam. Voś čamu, kali vam stuknie 60, u vas moža być zusim inšaja pastava, čym kali vam było 30 hadoŭ, i heta narmalna.

Dobraja pastava, kažuć miedyki, pryvodzić da źnižeńnia znosu pazvanočnika. Sutułaść, u svaju čarhu, moža zrabić vaš pazvanočnik bolš dalikatnym i schilnym da traŭmaŭ. Roŭnaja pastava nie abaviazkova ŭratuje vas ad prablem z chrybtom u budučyni, ale mocny chrybiet dapamoža lahčej pieranieści hetyja chvaroby. Kali niapravilnaja pastava pryviadzie da nieraŭnamiernaha raźmierkavańnia vahi ci nahruzki na vaša cieła, vašym muskułam pryjdziecca pracavać bolš.

Naprykład, kali čałaviek apuskaje šyju, kab pahladzieć na telefon ci inšyja pryłady ŭ ruce, heta stvaraje dadatkovuju nahruzku na jaho cieła. Čałaviečaja hałava važyć niedzie 4-5 kiłahramaŭ, i kožny santymietr nachiłu hałavy napierad pavialičvaje ŭdvaja tuju vahu, jakuju pavinna nieści šyja.

Dobraja pastava — nie panaceja

Ale roŭnaja pastava nie abaviazkova pazbavić vas ad prablem sa śpinaj. Amal nie isnuje dokazaŭ, što takaja pastava moža źnizić bol u śpinie ci praduchilić jaho źjaŭleńnie ŭ budučyni. Bolš za toje, jość śviedčańnie, što sutułaja pastava ŭ padletkaŭ viadzie da mienšaha bolu ŭ šyi ŭ maładym uzroście.

Zamiest taho, kab pastajanna nahadvać sabie trymać śpinu roŭnaj, možna zasiarodzicca na ŭmacavańni peŭnych hrup muskułaŭ. Treniroŭki dazvolać hetym muskułam lepš padtrymlivać chrybiet i dapamohuć vam stajać roŭna tak, što heta nie budzie dla vas dyskamfortnym.

Jość dźvie hrupy muskułaŭ, jakija hetamu spryjajuć. Pieršaja ź ich — paraśpinalnyja muskuły, što akružajuć chrybiet ad šyi da pajaśnicy. Kali hetyja muskuły ŭ vas mocnyja, vašym kostkam pryjdziecca mienš pracavać, bo ŭ ich budzie lepšaja padtrymka. Taksama nie zabyvajcie pra muskuły presa, bo i jany dapamahajuć padtrymlivać śpinu. Kab prapracavać hetyja hrupy muskułaŭ, možacie zaniacca johaj, piłatesam ci ahulnymi siłavymi praktykavańniami: rabicie płanku, skručvańni, mościki i praktykavańni na ściskańnie łapatak.

Lepš nie dumać šmat pra svaju pastavu, a pasprabavać ruchacca kožny dzień jak maha bolš. Padčas siadziačaj pracy rehularna rabicie pierapynki i ŭstavajcie, abo pasprabujcie, kali heta mahčyma, pracavać za piśmovym stałom stojačy.

Hadami štodzień visieŭ na turniku i vyras na 8 santymietraŭ. Realna?

Pamyłki baćkoŭ, jakija mohuć sapsavać dziciaci pastavu

Jak pravilna vybrać meblu dla dziciaci: typovyja pamyłki baćkoŭ

• 18
• 0
• 1
• 1
• 4
• 1
• 4
• 0