«Jastraby» iduć u ataku. Kadyraŭ znoŭ najechaŭ na rasijskaha hienierała, vystupiŭšy ruparam Pryhožyna
Adzin z hałoŭnych rasijskich «jastrabaŭ», praviciel Čačni Ramzan Kadyraŭ užo nie pieršy raz abrynuŭsia sa źniščalnaj krytykaj na kamandujučaha Centralnaj vajskovaj akruhaj hienierał-pałkoŭnika Alaksandra Łapina. Pa jahonych słovach, mienavita hety hienierał dapuściŭ praryŭ ukrainskich vojskaŭ ŭ rajonie nasielenych punktaŭ Ciarny, Torskaje i Jampałaŭka na Danbasie.
«Paŭtarajecca historyja sa zdačaj linii abarony Čyrvony Liman. Adzin u adzin. I trahiedyju na hetym učastku my pakul paźbiehli tolki za košt dakładnaha raźmiaščeńnia siłaŭ na druhim ešałonie linii abarony.
Zaraz za Łapinym abarona Svatava i Makiejeŭki. Ja zadajusia pytańniami: nikoha nie cikavić, jakim čynam Łapin atrymaŭ zorku za ŭziaćcie Lisičanska, u jakim jon navat nie byŭ? Nikoha nie cikavić, jak jon umudryŭsia zdać Čyrvony Liman i čamu nie było pravierki?
Nikoha nie cikavić, jak jon umudryŭsia adkryć prałom dla praciŭnika i čamu znoŭ nie było pravierki? Nikoha nie cikavić, dzie jon zaraz znachodzicca? Nikoha nie cikavić, chto jaho tak dobra prykryvaje?», — zajaviŭ Kadyraŭ.
Pry hetym čačenski dyktatar, žorstka krytykujučy Łapina, adnačasova śpiavaje dyfiramby inšaj simvalična «jastrabinaj» fihury ŭ sučasnym rasijskim hramadstvie — uładalniku PVK «Vahnier» Jaŭhienu Pryhožynu. Jon pačynaje z hetaha svoj dopis u telehramie i hetym ža zakančvaje.
Pavodle Kadyrava, «darahi brat Pryhožyn — pryrodžany vajar, jahonyja bajcy — sapraŭdnyja prafiesijanały i patryjoty Rasii, biasstrašnyja, upartyja, mužnyja. Heta sapraŭdy kaštoŭnyja bajavyja padraździaleńni».
I zaviaršaje svoj dopis zhadkaj pra toje, što «jak pravilna adznačyŭ Jaŭhien Viktaravič, patrebnyja taktyčnyja i kadravyja źmieny».
Možna mierkavać, što hetaje vystupleńnie Kadyrava nie vypadkovaje, jano adlustroŭvaje zmahańnie za ŭpłyvy pamiž roznymi hrupoŭkami va ŭładnych i kalaŭładnych rasijskich kołach.
Raniej Kadyraŭ užo publična vystupaŭ suprać Łapina, uskładajučy na jaho vinu za adstupleńnie rasijskich akupacyjnych vojskaŭ z-pad Limana.
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu1
Kamientary
kucharka tože moža kamandavać Achtamatam 8-)