Hanarovaha prezidenta kampanii «Mator Sič», byłoha deputata Viarchoŭnaj Rady Ukrainy Viačasłava Bahusłajeva padazrajuć u niezakonnych pastaŭkach tavaraŭ vajennaha pryznačeńnia dla rasijskaj šturmavoj avijacyi, paviedamiła pres-słužba SBU.
Słužba biaśpieki Ukrainy paćvierdziła zatrymańnie prezidenta akcyjaniernaha tavarystva «Mator Sič», a taksama načalnika Departamienta źniešnie-ekanamičnaj dziejnaści hetaha pradpryjemstva: abodvum vystaŭlena abvinavačańnie ŭ kałabaracyi i dapamozie dziaržavie-ahresaru.
Pavodle materyjałaŭ śledstva, hetyja čynoŭniki dziejničali ŭ zmovie z nabližanymi da Kramla pradstaŭnikami rasijskaj karparacyi «Rastech», jakaja źjaŭlajecca adnym z hałoŭnych vytvorcaŭ uzbrajeńniaŭ dla Uzbrojenych siłaŭ Rasii.
Złamyśniki naładzili transnacyjanalnyja kanały niezakonnaj pastaŭki aptovych partyj ukrainskich avijaruchavikoŭ u Rasiju. Atrymanuju pradukcyju akupanty vykarystoŭvali dla vytvorčaści i ramontu rasijskich udarnych viertalotaŭ nastupnych typaŭ:
- Mi-8AMTŠ-VN «Sapsan»;
- KA-52 «Alihatar»;
- Mi-28N «Načny palaŭničy».
Ustanoŭlena, što adpaviednyja ŭzory armiejskaj avijacyi zachopniki masava ŭžyvali dla poŭnamaštabnaha ŭvarvańnia va Ukrainu. Heta paćvierdžana šmatlikimi faktami źniščeńnia hetych varožych bajavych viertalotaŭ ukrainskimi vajskoŭcami, adznačaje SBU.
Dla abychodu ŭstanoŭlenych abmiežavańniaŭ na handal z Rasijaj arhanizatary schiemy vykarystoŭvali padkantrolnyja kamiercyjnyja struktury ŭ troch krainach Blizkaha Uschodu, Jeŭropy i Uschodniaj Azii. Mienavita hetyja kampanii adpraŭlali «zamovu» ŭkrainskamu vytvorcu nibyta dla patreb zamiežnaha boku. Adnak paśla atrymańnia vajskovaj pradukcyi «pasiaredniki» pierapraŭlali jaje ŭ Rasiju. Taksama rasijanie vykarystoŭvali svaich zamiežnych saŭdzielnikaŭ dla ramontu i absłuhoŭvańnia ŭłasnaj avijatechniki z vykarystańniem ukrainskich zapčastak.
Adznačajecca, što ŭ chodzie rasśledavańnia supracoŭniki Słužby biaśpieki vyznačyli ŭsich arhanizataraŭ ździełak, zadakumientavali ich złačynnyja dziejańni i pravodziać kompleksnyja mierapryjemstvy dla pryciahnieńnia vinavatych da adkaznaści.
Čytajcie taksama:
Va Ukrainie SBU zatrymała Hieroja Ukrainy, adnaho z najbahaciejšych ludziej krainy
-
Usich sałdat Asada, jakija ŭciakli ŭ Irak, addali nazad novym uładam Siryi
-
«Siryja pakazvaje, što Rasija nie niepieramožnaja». Hałoŭnaja dypłamatka ES vykazałasia suprać pieramoŭ na ŭmovach Maskvy
-
«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam3
Kamientary