Hramadstva11

Try prostyja parady, kab nie natrapić na fejkavyja inicyjatyvy ŭ Telegram

Niadaŭni fejk z «pačatkam» płana «Pieramoha» pakazaŭ, što mnohija ludzi nie zdoleli adroźnić sapraŭdnyja resursy ad fejkavych. I heta nie dziva — praz asablivaści Telegram moža być niaprosta. Tłumačym asnoŭnyja praviły, jakija dapamohuć vam nie być ašukanym.

1. Praviercie, ci pišuć pra heta pravieranyja krynicy

Kali pačniecca niešta sapraŭdy maštabnaje, to pra heta napišuć usie, pryčym bujnyja ŚMI spačatku pasprabujuć pravieryć infarmacyju. Taja samaja «Naša Niva» pamylajecca krajnie redka.

Navat kali pra heta piša viadomy vam resurs — pierapraviercie na inšych. Luby resurs moža pamylicca.

2. Źviarnicie ŭvahu na kanał

U apošnich fejkavych hrupach «Bajpoł» kanał byŭ stvorany daŭno, ale niadaŭna pierajmienavany ŭ BYPOL. U im navat było bolej padpisantaŭ, čym u aryhinała. Ale voś što jaho adroźnivała — usie reposty z aryhinała ŭ jaho byli zroblenyja ciaham sutak, a sam kanał raniej nazyvaŭsia inačaj.

Aryhinalnyja kanały majuć stabilnuju kolkaść prahladaŭ, zapisy ŭ ich iduć paśladoŭna, i kali ŭ ich jość kamientary, to jany «žyvyja» (jak i reakcyi). Na hetyja kanały, akramia ŭsiaho inšaha, viaduć spasyłki ź inšych davieranych krynic.

3. Praviarajcie spasyłki i nie startujcie bot (nie pišycie pa kantaktach), pakul nie ŭpeŭniciesia ŭ ich praŭdzivaści

U Telegram jość važnaja asablivaść: unutranyja spasyłki možna maskiravać tak, jak zaŭhodna, asabliva ŭ paviedamleńniach. Naprykład, spasyłka na bot płana «Pieramoha» ci luboj inšaj struktury moža vyhladać vizualna pravilna, ale nasamreč heta budzie nie jana. Vyhladaje heta tak:

Spasyłka na vyjavie vyhladaje jak sapraŭdnaja, ale viadzie jana na bot «Našaj Nivy» zamiest bota płana «Pieramoha». Tak možna zrabić ź luboj spasyłkaj — i kali heta ŭnutranaja spasyłka telehrama, to vy piarojdziecie pa joj biez dadatkovych pytańniaŭ.

Start bota ci napisańnie pa kantaktach aŭtamatyčna vydaść vaš ID u Telegram.

Kab pravieryć, ci spasyłka sapraŭdnaja, jość vielmi prosty sposab: pierachodzić pa kantaktach i spasyłkach tolki z aryhinalnych ci pravieranych kanałaŭ, na jakija vy padpisanyja sami. Kali sumniavajeciesia, možna pierapravieryć u inšych krynicach.

Kali vas emacyjna zaklikajuć niešta zrabić prosta zaraz, spyniciesia. Dumajcie, analizujcie i pierapraviarajcie infarmacyju — i padmanuć vas budzie amal niemahčyma.

Kamientary1

  • Žyvie
    07.11.2022
    Načali błočiť vpn łukašisty ,čieriez raz otkryvajetsia sajt našiej nivy.

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Usie naviny →
Usie naviny

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie3

U Biełarusi buduć budavać mienš novych daroh1

Šolc admoviŭsia kamientavać mahčymaść abmienu Ryka Kryhiera na Vadzima Krasikava7

U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki7

U Pinsku prajšła mocnaja zaleva, zatapiła vulicy VIDEA

bolš čytanych navin
bolš łajkanych navin

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Hałoŭnaje
Usie naviny →