Vajenkar Piehaŭ: Minabarony Rasii raspracavała śpisy niepažadanych vajennych błohieraŭ
Vajenny karespandent Siamion Piehaŭ zajaviŭ, što vysokapastaŭlenyja supracoŭniki Minabarony Rasii raspracavali čornyja śpisy prapahandystaŭ, što niedastatkova zachoplena aśviatlajuć vajnu, i płanujuć damahacca zaviadzieńnia suprać ich kryminalnych i administracyjnych spraŭ.
Pa słovach Piehava, u śpisy trapili jon sam, Kryścina Patupčyk, Juryj Padalaka i inšyja.
Vajenkar aburyŭsia tym, što hienierały tym samym parušajuć ukazańni Pucina ab «sumlennym aśviatleńni» vajny.
«Vykažam ździŭleńnie, jak, naprykład, u niepažadanych dla aśviatleńnia «śpiecapieracyi» kanałach apynuŭsia toj ža Rybar, dzie rabili vielizarnuju analityčnuju i tłumačalnuju pracu, u čyich patryjatyčnych matyvach sumniavacca nie prychodzicca. Ci, naprykład, Padalaka — da jakoha, viadoma, možna stavicca pa — roznamu — ale čałaviek, na chvilinku — sabraŭ 200 młn rubloŭ na dapamohu frontu (heta značyć, chtości ŭ Minabaronie skraŭ, nie zabiaśpiečyŭ front — a jon sabraŭ i zabiaśpiečyŭ i ciapier u śpisie tych, chto nie zasłuhoŭvaje davieru). Niejkim čynam tam apynułasia i Patupčyk, da jakoj u nas u prajekcie wargonzo chaj i było zaŭsiody nieadnaznačnaje staŭleńnie, ale jana sabrała kamandu, jakaja na čale z Katrusiaj realna stvaraje žyvy i pa-sapraŭdnamu nie tryvijalny kantent pra «śpiecapieracyju» (ich abiedźviuch, darečy, niadaŭna ŭznaharodžvaŭ ordenami Pušylin)», — napisaŭ Piehaŭ.
«Kali składańnie śpisaŭ niepažadanych — heta i jość sposab vybudavać z nami dyjałoh, to taki padychod vyhladaje jak minimum sumnieŭnym. Zatknuć rot i ŭziać pad kazyrok — dumajecca, Viarchoŭny Hałoŭnakamandujučy zusim nie heta mieŭ na ŭvazie, kali adkryta i publična zajaviŭ jašče na samym pačatku vajny — reparciory i žurnalisty pavinny raspaviadać pra SVA praŭdu. Narod maje na jaje prava», — reziumuje vajenkar.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»9
Kamientary