Minskaja pryvatnaja škoła, u jakoj paranili dziaŭčynku, zakryłasia
Pra heta 3 kastryčnika paviedamili na aficyjnaj staroncy škoły «Smart Skuł» u instahramie, adznačyŭšy, što rašeńnie pryniali «pa patrabavańni ŭpraŭleńnia adukacyi». U kamientarach da zapisu padpisčyki pakidajuć smajły sa ślazami i spačuvalnyja kamientary.
Idejnaja natchnialnica škoły Iłona Astroŭskaja (doŭhi čas jana značyłasia na sajcie «Smart Skuł» jak zasnavalnica) raskazała vydańniu Tochka.by, što ŭ Biełarusi «škoły bolš niama i nie budzie». Taksama Astroŭskaja adznačyła, što ŭsie vučni «Smart Skuł» ciapier zaličanyja ŭ dziaržaŭnyja škoły. Sama jana paśla pieraniesienaha sardečnaha prystupu lažyć u balnicy.
U siaredzinie vieraśnia ŭ škole «Smart Skuł» chłopčyk paraniŭ dziaŭčynku: stralajučy ź dziciačaha pistaleta, jon trapiŭ joj u voka humovymi šarykami. U Śledčym kamitecie tady paviedamili, što «54-hadovaja kiraŭnica jurydyčnaj asoby i inšyja supracoŭniki ŭstanovy ŭsialak sprabavali schavać incydent, nie zabiaśpiečyli biaśpieku praviadzieńnia zaniatkaŭ i kantrol za pavodzinami vychavancaŭ». U dačynieńni da dyrektara škoły «Smart Skuł» raspačali kryminalnuju spravu.
Paśla načalnica ŭpraŭleńnia adukacyi administracyi Centralnaha rajona Minska Ina Kamiejša skazała, što ŭ škole znajšli «parušeńni techničnaha charaktaru, i pamiaškańnie, jakoje pad stałovuju, taksama nie adpaviadała patrabavańniam i normam».
Zdareńnie stała padstavaj dla pravierak jašče niekalkich niedziaržaŭnych ustanoŭ. U vyniku 26 vieraśnia paviedamlałasia ab zakryćci vaśmi pryvatnych škoł.
Čytajcie taksama:
Za tydzień u Biełarusi zakrylisia 8 pryvatnych škoł, jašče 12 atrymali pradpisańni ab spynieńni dziejnaści
Na dyrektarku pryvatnaj škoły, dzie atrymała ranieńnie vučanica, zaviali kryminalnuju spravu
U minskaj pryvatnaj škole adno dzicia streliła ŭ druhoje
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary