«Zatrymali 90 čałaviek». Što viadoma pra masavyja zatrymańni na rynku «Novy Lebiadziny» ŭ Tabarach
Pra toje, što na rynak «Novy Lebiadziny» ŭ čaćvier pryjechaŭ AMAP, paviedamiła «Radyjo Svaboda» sa spasyłkaj na vidavočcu. Syn adnoj z supracoŭnic raspavioŭ «Zierkału», što bolšaść zatrymanych — ludzi, u jakich niekalki pašpartoŭ.
Usio zdaryłasia siońnia ranicaj, raspavioŭ čytač «Zierkału». Jon skazaŭ, što jaho maci pryjechała na pracu kala 9 ranicy — i ŭžo ŭbačyła supracoŭnikaŭ AMAP ŭ bałakłavach. Taksama kala rynku stajali «dva aŭtazaki i adzin aŭtobus».
— Zabirali ŭsich, u kaho niama biełaruskaha pašparta: uźbiekaŭ, rasijan, tadžykaŭ. Zatrymlivali spakojna. Nie tolki supracoŭniki AMAPa, ale i ludzi ŭ cyvilnym. Biełarusaŭ pravieryli i adpuścili. Mama parazmaŭlała z achoŭnikam rynka, usiaho zatrymali 70 mužčyn i 20 žančyn. Jana zrazumieła tak, što ŭžo dalej u milicyi buduć raźbiracca, što ź imi rabić.
Pryčynu zatrymańnia na rynku nie viedajuć.
— A z-za čaho na samaj spravie, nieviadoma. Raniej byli takija zatrymańni na rynku ŭ Ždanovičach. Tut — upieršyniu.
U administracyi rynka skazali, što zatrymańni byli, ale ŭ suviazi z čym, infarmacyi ŭ ich niama.
— Ja na pracu vychodzić bajusia. Rastłumačcie, što adbyvajecca?
— Biarycie pašpart i idzicie na pracu.
— A pašpart navošta?
— Kab viedali, što svaje ludzi.
Kamientary