«Bietonnyja mury mianie zahartavali». Vyjšaŭ na volu były bajec «Alfy» Uładzisłaŭ Navicki, jaki ŭ 2020-m padtrymaŭ narod
Jak stała viadoma «Našaj Nivie», paśla sudu vyjšaŭ na volu viadomy bajec biełaruskaha MMA Uładzisłaŭ Navicki. U kancy sakavika jaho zatrymlivali, śledstva i sud prajšli chutka. Admietnaść historyi — raniej Navicki słužyŭ u «Alfie».
Pry zatrymańni Navickamu stavili ŭ vinu najaŭnaść znajomych, jakija vajujuć suprać rasijskaj armii va Ukrainie, a taksama ŭdzieł u akcyjach suprać falsifikacyj vybaraŭ i teroru.
Čytajcie taksama: U Minsku zatrymali bajca MMA — jon byŭ u «Alfie» KDB, ale paśla vybaraŭ pratestavaŭ i vystupiŭ suprać vajny
Tady my źviartali ŭvahu na tonki momant: u 2016-m Uładzisłaŭ vystupaŭ na spabornictvach pamiž śpiecpadraździaleńniami jak bajec «Alfy» KDB, a jaho staryja tavaryšy, jak minimum dvoje na fota, Uładzimir Drač (druhi sprava) i Mikałaj Rusaŭ (pieršy źleva) dahetul słužać u «Alfie».
Jak stała viadoma ciapier, Navicki vyjšaŭ ź SIZA paśla suda, atrymaŭšy 3 hady chatniaj chimii.
U svaim instahramie jon napisaŭ, što bietonnyja mury jaho zahartavali.
Uładzisłaŭ naradziŭsia ŭ 1993 hodzie ŭ Minsku. Prafiesijnuju karjeru bajec pačaŭ u 2012 hodzie, kali treniravaŭsia ŭ spartyŭnym kłubie «Akvaryum». Z tych časoŭ Navicki stanaviŭsia nieadnarazovym čempijonam Biełarusi pa rukapašnym bai i niekalki razoŭ vyjhravaŭ anałahičny turnir u krainie pa MMA. Taksama na jaho rachunku pieramohi na respublikanskich turnirach pa hreplinhu i bajavym samba.
Jość u karjery bajca i mižnarodnyja ŭznaharody. Jon byŭ srebnym pryzioram čempijanatu Jeŭropy pa MMA i braŭ bronzu na čempijanacie Jeŭropy pa rukapašnym bai. U svajoj karjery Uładzisłaŭ braŭ udzieł u turnirach takich pramoŭšnaŭ, jak MG, ACA, BCF.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary