Prosty test padkaža, ci moža ŭ vas być dyjabiet. Patrebnaja tolki šklanka vady
Dapuścim, što vy dobra patreniravalisia ci prosta vielmi chočacie pić. Niezvyčajny prysmak vady moža taksama być tryvožnym sihnałam.
Kali vada z-pad krana ci z kramy nibyta maje sałodki prysmak, heta moža być simptomam cukrovaha dyjabietu. Pry im parušajecca vydzialeńnie insulinu i kantrol uzroŭniu cukru ŭ kryvi. Dyjabiet, jaki nie lečać, viadzie da pavyšeńnia ŭzroŭniu hlukozy, što moža vyklikać sałodki smak u rocie. Kali heta vaš vypadak, vy adčujecie hety smak, kali vypjecie krychu vady.
Sałodki fruktovy pach i smak mohuć taksama być prykmietami ŭskładnieńniaŭ dyjabietu. Adno ź ich — kietaacydoz, niepasrednaje nastupstva deficytu insulinu ŭ arhaniźmie. Kali insulinu nie chapaje, cieła nie moža vykarystoŭvać cukar jak paliva dla siabie i vyrablaje enierhiju z tłušču. U vyniku ŭ arhaniźmie nazapašvajucca kisłoty pad nazvaj kietonavyja cieły, pavyšajecca ŭzrovień acetonu. Siarod mahčymych nastupstvaŭ — koma i śmierć.
Sałodki smak vady moža być nastupstvam nie tolki dyjabietu, ale i inšych chvarob, u tym liku virusnych, pryjomu niekatorych lekaŭ, asablivaściaŭ dyjety (nizkavuhlavodnyja dyjety taksama spryjajuć tamu, što vada robicca sałodkaj).
Navat zvykłyja chvaroby nakštałt prastudy, hrypu ci zapaleńnia pazuch mohuć pryvieści da taho, što ŭ ślinie budzie bolš hlukozy, adsiul źjavicca i sałodki smak u rocie.
Paškodžańnie niervovaj sistemy zdolnaje źmianić toje, jak čałaviek adčuvaje smak. Ludzi, jakija pieražyli insult, časta raspaviadajuć pra błytaninu ŭ adčuvańniach, u tym liku ŭ adčuvańni smaku i pachu. Na sałodki ci mietaličny smak na vusnach skardziacca niekatoryja pacyjenty ź piakotkaj, jaho pryčyna — viartańnie źmieściva straŭnika ŭ stravavod i ažno da rota.
Ciažarnaść vyklikaje źmieny ŭ harmanalnaj i stravavalnaj sistemach žančyny, što taksama moža pryvieści da błytaniny ŭ smakach dy pachach. Na takoje zdolnyja i niekatoryja leki — naprykład, tyja, što vykarystoŭvajucca pry chimijaterapii. Narešcie, puchliny ŭ lohkich ci dychalnych šlachach mohuć upłyvać na vyrab harmonaŭ i takim čynam taksama spryjać źmienam u smaku.
Smak vady taksama zaležyć ad krynicy, adkul jana da nas traplaje, i navat ad posudu, ź jakoha vy p‘iocie hetuju vadu, asabliva kali vy tolki što dastali hety posud z pasudamyjki.
Kamientary
iz unitaza.
uvažajemyj Avtor, nie podskažietie, o čiem hovorit takoj simptom?