Pucin i Łukašenka nie abmiarkoŭvali mahčymuju pajezdku biełaruskaha kiraŭnika ŭ Krym. Pra heta siońnia zajaviŭ pres-sakratar Pucina Dźmitryj Piaskoŭ.
![](http://d3kcf2pe5t7rrb.cloudfront.net/img/w732d4webp1/photos/z_2022_04/lukaszenka_putin220412-5a8lw.jpg.webp)
«Nie, učora pra heta havorka nie zachodziła, ale ŭ Alaksandra Łukašenki vielmi i vielmi šyrokaja hieahrafija pajezdak. Siońnia jon pracuje va Uładzivastoku na Dalokim Uschodzie, tamu hieahrafija šyrokaja, budziem spadziavacca, i da Kryma dojdzie čarha», — skazaŭ Piaskoŭ žurnalistam, adkazvajučy na adpaviednaje pytańnie.
Pytańnie pajezdki Łukašenki ŭ Krym uźnikła ŭ kancy listapada 2021 hoda, kali toj u intervju Dźmitryju Kisialovu zajaviŭ, što ŭ jaho jość damoŭlenaść z Pucinym pra vizit u Krym, jaki jon chacieŭ by pačać ź Sievastopala.
Adnak paśla pačatku rasijskaha ŭvarvańnia va Ukrainu tema była častkova zabytaja.
Kamientary