Michaił Zyhar: Pucina cikavić ciapier tolki minułaje, a słuchaje jon tolki Juryja Kavalčuka
Rasijski žurnalist i palityčny ahladalnik Michaił Zyhar śćviardžaje, što rasijski prezident Uładzimir Pucin ciapier pieravažna maje znosiny tolki ź biznesoŭcam Juryjem Kavalčukom, i heta maje vyrašalny ŭpłyŭ na jahonyja pavodziny i rašeńni. Pra heta Zyhar napisaŭ u svajoj kałoncy dla amierykanskaha vydańnia New York Times, piša «Ukrainskaja praŭda».
Michaił Zyhar — rasijski žurnalist, režysior i hałoŭny redaktar telekanała «Dožd́» u 2010—2015 hadach. Jon mieŭ znosiny z šyrokim kołam vysokapastaŭlenych čynoŭnikaŭ Kramla i biznes-elity Rasiei i napisaŭ knihu «Vsia kriemlevskaja rať», u jakoj pasprabavaŭ vykłaści historyju ŭzychodžańnia Pucina da ŭłady i detali ŭzajemaadnosin čalcoŭ kramloŭskaj viarchuški.
Ciapier Zyharu niekalki krynic u Kramli i ź liku biznes-elity Rasii raskazali, što Pucin amal ni da kaho nie prysłuchoŭvajecca i asabista nie maje ni z kim znosin, akramia biznesoŭca Juryja Kavalčuka.
Nibyta viasnoj i letam 2020 hoda, u razhar pandemii karanavirusa ŭ śviecie, Pucin siadzieŭ na samaizalacyi ŭ svajoj rezidencyi na Vałdai. Zyhar kaža, što ŭ rezidencyi ŭvieś hety čas z Pucinym znachodziŭsia jahony siabar Kavalčuk.
Kavalčuk apynuŭsia ŭ kole blizkich siabroŭ i daradcaŭ Pucina ŭ 1990-ch hadach. Jon vałodaje najbolšaj dolaj akcyj kamiercyjnaha banka «Bank Rasija» i kantraluje niekalki dziaržaŭnych miedyja.
Śvietapohlad Kavalčuka rasijski žurnalist apisvaje jak sumieś hiedanizmu, pravasłaŭnaha mistycyzmu, viery ŭ teoryi zmovy adnosna ŭsiudyisnaha ŭpłyvu ZŠA.
I, pa słovach Zyhara, razam z Kavalčukom Pucin taksama staŭ paranaidalna zachaplacca byłoj vieličču Rasii i płanami jaje adnaŭleńnia.
Daradcy Pucina raspaviali Zyharu, što Pucina razdražniajuć abmierkavańni sučasnych prablem ekanomiki i pandemii i jon całkam zahłybiŭsia ŭ vyvučeńnie minułaha. U paćvierdžańnie hetaha tezisa Zyhar uspaminaje słovy francuzskaha dypłamata, jaki byŭ prainfarmavany pra pieramovy Pucina z francuzskim vizavi Emaniuelem Makronam. Nibyta padčas pieramovaŭ Pucin vykłaŭ Makronu doŭhuju lekcyju pa historyi Rasiei, i Makron byŭ źbiantežany, jak na heta reahavać.
Zyhar piša:
«Pucin pierakanany, što jon ciapier apynuŭsia va ŭnikalnym histaryčnym stanoviščy, kali jon moža adnavić toje, što stracili ruskija ŭ minułyja hady ździekaŭ i źniavahi. U 90-ja, kali Pucin i Kavalčuk paznajomilisia, im abodvum było składana stać na nohi paśla raspadu SSSR, i dakładna takija adčuvańni byli va ŭsioj krainy.
Jany ličać, što Zachad skarystaŭsia słabaściu Rasii, kab pašyryć miežy NATA až da Rasii. Pavodle pierakanańnia Pucina, siońnia situacyja całkam supraćlehłaja: ciapier heta Zachad znachodzicca ŭ słaboj pazicyi.
Adziny zachodni lidar, jakoha Pucin da niadaŭniaha času ŭsprymaŭ surjozna — heta była kancler Hiermanii Anhieła Mierkiel. Ciapier jana syšła z pasady, i nastaŭ čas Rasiei adpomścić za minułyja ździeki ŭ 90-ch».
Zyhar nastojvaje, što nichto nie moža pachisnuć hetaj viery Pucina, tamu što jon abarvaŭ usie suviazi i znosiny z byłym kołam siabroŭ i nabližanych daradcaŭ.
Pa słovach žurnalista, navat Ihar Siečyn, kiraŭnik «Rasnafty», jakoha kaliści ličyli vielmi blizkim siabram Pucina, pavinien znachodzicca na karantynie na praciahu 2-3 tydniaŭ, kab pahavaryć z rasijskim prezidentam sam-nasam.
Žurnalist dadaje, što atačeńnie Pucina, dziela ŭłasnaj karjery i ŭzbahačeńnia, ciaham mnohich hadoŭ pierakonvała jaho, što tolki jon zdolny vyratavać Rasiju. Padobna na toje, što heta paŭpłyvała na paranaidalnuju vieru Pucina va ŭłasnuju vielič i jahonuju hatoŭnaść da lubych krokaŭ dla adnaŭleńnia rasijskaj vieličy.
Krynicy Zyhara kažuć, što, padobna, Kavalčuk z Pucinym nie napałochanyja sankcyjami i izalacyjaj. Naadvarot, jany ličać, što ŭviadzieńnie surovych sankcyj, izalacyja Rasii i emihracyja «nienadziejnych elemientaŭ» za miažu tolki ŭmacujuć Rasiju ŭ supraćstajańni, što maje adbycca.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary3
Kamientary