Katalickaja carkva šukaje, chto zmoža adnavić paciarpieły ad pažaru kaścioł u Budsłavie
Apostalski nuncyj u Biełarusi Ante Jozič i arcybiskup Minska-Mahiloŭskaj archidyjacezii Juzaf Stanieŭski sustrelisia 15 lutaha sa staršynioj Minskaha abłvykankama Alaksandram Turčynym. Siarod inšaha abmiarkoŭvałasia pytańnie adnaŭleńnia kaścioła ŭ Budsłavie, jaki mocna paciarpieŭ padčas letašniaha pažaru.
Ante Jozič zaznačyŭ, što Carkva pačała ramont śviatyni samastojna, adnak dalej heta rabić «niemahčyma biez dapamohi miascovych uładaŭ».
Nuncyj ličyć, što adnaŭleńnie Budsłaŭskaha kaścioła zojmie šmat času, bo havorka idzie pra śpiecyfičnuju pracu. Ciapier ža idzie pošuk arhanizacyj-padradčykaŭ.
Pavodle Ante Joziča, śviatynia ŭ harotnym stanie, i tamu raspačać pracy pa kapitalnym adnaŭleńni niemahčyma biez hatovaha prajekta. A praca — śpiecyfičnaja, bo treba adnaŭlać nie tolki fasad, ale i rośpisy.
Turčyn ža maje płany zrabić z Budsłava «mahčymy centr relihijnaha turyzmu Minskaj vobłaści». Kab pahladzieć, nakolki jon dla taho nadajecca, płanujecca «ŭ najbližejšy čas pabyvać tam, kab razumieć, u jakim kirunku i rečyščy ruchacca».
Kaścioł Uniebaŭziaćcia Najśviaciejšaj Panny Maryi ŭ Budsłavie zahareŭsia ranicaj 11 traŭnia 2021 hoda. Pažar udałosia patušyć, adnak u kaściole całkam vyhareŭ i abvaliŭsia dach. Stan kupału byŭ pryznany avaryjnym. Interjer kaścioła taksama paciarpieŭ ad vady, jakoj kaścioł byŭ mocna zality padčas tušeńnia pažaru.
Da kanca 2021 hoda kaścioł paśpieli nakryć časovym dacham, na jaki vioŭsia dabračynny zbor srodkaŭ. Ale całkam zaviaršyć pracy z kupałam nie ŭdałosia, ich adkłali na viasnu, jak i raskryćcio žyvapisu ŭ kupalnaj častcy. Na hetyja raboty taksama patrebnyja značnyja srodki, zbor jakich na dabračynny rachunak praciahvajecca.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary