Nievyčarpalnaja krynica enierhii: navukoŭcy dakazali mahčymaść stvareńnia termajadziernych AES
Termajadzierny sintez — mietad, jaki daje čałaviectvu nadzieju stvaryć nievyčarpalnuju i biaśpiečnuju krynicu enierhii. Stvareńnie elektrastancyj pa takomu pryncypu vielmi ciažkaje, ale, jak vyśvietlili niadaŭna ekśpierty, całkam mahčymaje.
Navukoŭcy ź fizičnaj łabaratoryi JET, što znachodzicca pad Oksfardam, ekśpierymientalna zdabyli 59 miehadžoŭlej ustojlivaj termajadziernaj enierhii. Hety pakazčyk bolš čym u dva razy pieravyšaje minuły suśvietny rekord, ustanoŭleny pry anałahičnych ekśpierymientach u 1997 hodzie, piša VVS.
Ekśpierymient fizikaŭ, što praciahvaŭsia kala 5 siekund, na praktycy dakazvaje mahčymaść zdabyvańnia enierhii praz termajadzierny sintez. Jon ža demanstruje pierśpiektyŭnaść ekśpierymientalnaha termajadziernaha reaktara ITER, jaki ŭžo paŭtary hady budujuć na poŭdni Francyi pry aktyŭnym udziele Rosatama.
AES, što isnujuć zaraz, vyrablajuć enierhiju praz łancuhovuju jadziernuju reakcyju, to bok praz kiravany praces rasščapleńnia atamaŭ urana. Termajadzierny sintez — advarotnaja źjava, kali atamy źlivajucca adzin z adnym i ŭ vyniku naradžajuć novy chimičny elemient. Pry hetym pracesie vydzialajecca jašče bolš enierhii, čym pry łancuhovaj reakcyi, pry hetym termajadzierny sintez praktyčna nie supravadžajecca škodnymi vykidami.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary