Šeść hod. Načalnika RAUS z Mahiloŭskaj vobłaści asudzili za pieravyšeńnie paŭnamoctvaŭ. Padrabiaznaści
Stała viadoma, što byłoha namieśnika načalnika Kličaŭskaha RAUS padpałkoŭnika Alaksandra Darošku abvinavačvajuć pa troch artykułach Kryminalnaha kodeksa, siarod jakich taksama pieravyšeńnie ŭłady i słužbovych paŭnamoctvaŭ. Niadaŭna prajšoŭ sud, na jakim jaho pryznali vinavatym. Jašče ŭ čas vybaraŭ Daroška byŭ pry pasadzie. Raskazvajem što pryviało milicyjaniera za kraty.
Usie detali hetaj historyi nieviadomyja. Ale, jak akazałasia, Daroška trapiŭ u apału praź niaŭdałaje palavańnie. Na sudzie hučała abvinavačvańnie ŭ tym, što jon nibyta zabiŭ adrazu troch łasioŭ.
«Na jaho paviesili troch łasioŭ. Ekśpiertyzaŭ było štuk 20, zdajecca, jany adnaznačna ni da čaho nie pryvodzili. Ale — 6 hod! Ź milicyi Alaksandr zvolniŭsia sam minułaj vosieńniu, jak tolki daviedaŭsia, što jaho šukajuć», — ścisła patłumačyli «Našaj Nivie» situacyju znajomyja z pracesam.
Ci maje dačynieńnie da palityčnych spravaŭ Alaksandr Daroška, dakładna nieviadoma. Ale viadoma, što navat u nievialikim Kličavie Mahiloŭskaj vobłaści ludzi vychodzili na pratesty, a napiaredadni vybaraŭ tam zatrymlivali ahitatara za Śviatłanu Cichanoŭskuju.
Admietna, što heta ŭžo nie pieršy vypadak, kali topavy siłavik hublaje pasadu praź niaŭdałaje palavańnie.
Prykładna pa takim ža siužecie byŭ zvolnieny z pracy, a paśla trapiŭ u SIZA były prakuror horada Viciebska Juryj Ramanoŭski.
Nahadajem, što z momantu vybaraŭ i da siońnia nie zaviedziena nivodnaj kryminalnaj spravy pa faktach hvałtu i katavańniaŭ u dačynieńni da pratestoŭcaŭ.
Čytajcie taksama: Novy kiraŭnik SK Viciebskaj vobłaści pryjšoŭ na fonie skandału: były prakuror horada patrapiŭ za kraty
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary