Na ekranach Miensku źjaviŭsia ŭdumlivy hramadska-palityčny detektyŭ.
Vialikaja hulnia (State of Play)
ZŠA-Vialikabrytanija-Francyja, 2009, kalarovy, 127 chv.
Režysior: Kievin Makdonald
Roli vykonvajuć: Raseł Kroŭ, Ben Aflek, Rejčeł Makadams, Helen Miren, Robin Rajt-Pen
Žanr: Detektyŭ
Adznaka: 7 (z 10)
Žurnalist Keł Makefry (Raseł Kroŭ), jaki składaje artykuł pra zabojstva drobnaha złodzieja, vychodzić na vajskovuju arhanizacyju, jakaja placie niebiaśpiečnyja zmovy. Razam z maładoj błohierkaj (Rejčeł Makadams), što cikavicca śvieckimi plotkami, jany raskryvajuć złačynstvy, ryzykujučy ŭłasnym žyćciom.
«Vialikaja hulnia» — kłasičnaja detektyŭnaja drama, hramadska‑palityčnaja drama. Režysior kievin Makdonald, papiaredniaja stužka jakoha apaviadała pra dyktatara Idzi Amina, zasiarodžvajecca nie na krykach i pif-pafie (chacia vostryja momanty ŭ nieabchodnaj praporcyi prysutničajuć), a na intelektualnym vyšuku, sacyjalnych adnosinach i palityčnaje baraćbie. Zakručany siužet, jaki nie adpuskaje ni na chvilinu, baraćba ambicyj — i zaciataja pahonia za iścinaj.
Samaje kaštoŭnaje ŭ filmie Makdonalda — dakładnaść charaktaraŭ, trapnyja sacyjalnyja detali — i, sori, pafas zmahańnia za praŭdu.
U filmie zładžany akciorski ansambl. Jość hieroj — stary žurnaluha, akuła piara, jaki drukuje teksty na stareńkim kampie. Samaje važnaje dla hieroja Raseła Kroŭ — nie šum, a fakty i iścina. Jość novaja, maładaja hienieracyja — u vykanańni Rejčeł Makadams — jakaja zachaplajecca skandałami j tłumam, ale pakrysie prychodzić da sacyjalnaj adkaznaści. Jość bliskuča‑charyzmatyčnaja Chielen Miren — u roli redaktarki haziety i pryhožy Ben Aflek — u roli kanhresmena.
Karcinu varta pahladzieć, kab pabačyć jakoj musiać być ŚMI ŭ volnaj krainie. Paśla takoj karciny ŭsie kryki biełaruskich prapahandystaŭ pra hniusny Zachad hublajuć sens.
Ale akramia nienaviaźlivaha hramadska‑palityčnaha vychavańnia, karcina – dobry, udumlivy adpačynak.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»7
Kamientary