Ministerstva achovy zdaroŭja rekamienduje ciažarnym žančynam vakcynavacca ad COVID-19.
Padčas čaćviortaj chvali siarod chvorych na karanavirus źjavilisia novyja hrupy pacyjentaŭ, jakija pieranosiać infiekcyju ciažka: dzieci, maładyja ludzi i ciažarnyja žančyny.
Zachvorvańnie raźvivajecca chutka, asabliva ŭ ciažarnych, časam ź ciažkimi ŭskładnieńniami i śmierciami. Kali raniej daktary-śpiecyjalisty čakali paharšeńnia stanu ŭ ciažarnych žančyn na 8-12 sutki, to ciapier heta adbyvajecca na 4-8 sutki.
U čaćviortuju chvalu, jak adznačajuć ekśpierty pa ŭsim śviecie, kolkaść chvorych na COVID-19 ciažarnych ź pnieŭmanijaj rezka ŭzrasła. Prykładna 75% ź ich kisłarodazaležnyja. Dla paraŭnańnia, u minułyja chvali takich pacyjentak było prykładna 25-30%.
Bolš za toje, kolkaść ciažarnych pacyjentak, jakija majuć patrebu ŭ stacyjanarnym lačeńni, taksama ŭzrasła.
«Usie śpiecyjalisty ŭpeŭnienyja: na siońnia čaroŭnaj tabletki ad virusa niama i adziny varyjant paźbiehnuć ciažkaj prajavy COVID-19 — vakcynavacca, — źviarnuli ŭvahu ŭ Ministerstvie achovy zdaroŭja. — Ni adna z zarehistravanych u śviecie vakcyn nie ŭtrymlivaje žyvy virus SARS-CoV-2, tamu nie moža vyklikać zachvorvańnie. Važna: daśledavańni pakazvajuć, što postvakcynalnyja antycieły znachodziacca ŭ pupavinnaj kryvi, što abaraniaje ad COVID-19 novanarodžanych».
Za kastryčnik pieršuju pryščepku zrabili 798 budučych mam, a 295 zaviaršyli vakcynacyju.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary