Pieramožcam Vieniecyjanskaha kinafiestyvalu staŭ film pra nielehalnyja aborty, a najlepšaj aktrysaj — Pieniełopa Krus
Hałoŭnym pryzioram 78-ha Vieniecyjanskaha kinafiestyvalu stała žorstkaja drama «Padzieja» ab nielehalnych abortach u Francyi 60-ch hadoŭ. Siarod pieramožcaŭ sioleta niamała žančyn, a mnohija filmy, adznačanyja žury, vyvodziać historyi žančyn na pieršy płan.
Karcina «Padzieja» režysiorki Adry Dyvan raspaviadaje pra maładuju francužanku, jakaja sprabuje zrabić abort u siabie ŭ krainie ŭ pačatku 60-ch. Praz 60 hadoŭ paśla času dziejańnia hetaha filma, u 2021 hodzie jon akazaŭsia vielmi aktualnym — u suviazi z debatami vakoł novaha zakona ŭ Techasie, jaki zabaraniŭ aborty paśla šaści tydniaŭ, paviedamlaje Bi-bi-si.
«Ja stvarała hety film sa złościu, z žadańniem, svaim žyvatom, svaimi kiškami, svaim sercam i svajoj hałavoj», — skazała Dyvan, atrymlivajučy «Załatoha lva» na cyrymonii ŭznaharodžańnia, jakaja prachodziła na vostravie Lido.
Pryz «Srebny leŭ» za najlepšuju režysuru taksama dastaŭsia žančynie — novaziełandcy Džejn Kempijon, jakaja źniała film «Siła sabaki» ź Bieniedyktam Kambierbetčam i Kirsten Danst u hałoŭnych rolach.
Pa siužecie karciny maładaja ŭdava stanovicca achviaraj katavańniaŭ z boku fiermiera, razzłavanaha tym, što jana advažyłasia vyjści zamuž za jaho brata.
A aŭtaram najlepšaha scenara žury pryznała Mehi Džylenchoł za film «Nieznajomaja dačka» pavodle adnajmiennaha ramana italjanskaj piśmieńnicy Eleny Fierante. Hety film pra zahadkavuju žančynu siarednich hadoŭ, pryśviečany bałansu karjery i siamji, taksama staŭ režysiorskim debiutam amierykanki Džylenchoł, viadomaj u pieršuju čarhu svajoj akciorskaj karjeraj.
Hran-pry žury atrymaŭ film «Ruka Boha» režysiora Paoła Sarencina, jaki zasnavany na maładości samoha režysiora i, pa jaho śćviardžeńni, jaki nie maje dačynieńnia da adnajmiennaha znakamitaha hoła Dyjeha Maradony.
Najlepšym akcioram byŭ nazvany Džon Arkiła za rolu reparciora ŭ kryminalnym trylery «Na pracy: źnikłyja 8» režysiora Eryka Matei.
Pryz za najlepšuju žanočuju rolu ŭručyli Pieniełopie Krus, jakaja syhrała ŭ filmie «Paralelnyja maci» Pedra Almadovara — pra žyćcio maci, jakija naradzili ŭ adzin dzień.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary