Taksistka z Kobryna rašuča raspraviłasia z dvuma pjanymi rasiejcami, jakija napali na jaje: złamała nož i dała adpor
Nočču 25 červienia ŭ kobrynskuju milicyju patelefanavała 41-hadovaja taksistka z rajcentra i paviedamiła, što na jaje napali klijenty. Žančyna pavinna była dastavić dvaich pasažyraŭ u Drahičyn, adnak tyja paprasili spynicca la najbližejšaha bankamata, pieradaje bresckaja milicyja.
Raptam adzin z mužčyn prystaviŭ nož da šyi žančyny i pačaŭ pahražać raspravaj. Žančyna nie razhubiłasia: dała adpor napadnikam i złamała nož.
Zatrymać 26-hadovych rasiejcaŭ udałosia na nastupny dzień u Biarozie, jany byli na kvatery ŭ znajomych. Vyśvietliłasia, paśla napadu pjanyja fihuranty skrali inšamarku i źjechali ŭ susiedni rajon.
Zaviali kryminalnyja spravy za chulihanstva i kradziež. Akazałasia, što adzin z zatrymanych nieadnarazova sudzimy, u tym liku za kradziažy aŭto.
Kamientary