Prezident Turkmienistana Hurbanhuły Bierdymuchamiedaŭ padpisaŭ pryniatyja parłamientam zakonaprajekty ab stvareńni hanarovych zvańniaŭ «Zasłužany sabakavod» i «Narodny sabakavod».
Deputaty źviazali ŭviadzieńnie zvańniaŭ z namahańniami prezidenta «pa zachavańni i papularyzacyi nacyjanalnaj historyka-kulturnaj spadčyny», piša lenta.ru.
Bierdymuchamiedaŭ asabista razhledzieŭ prapanavanyja emblemy dla hanarovych sabakahadoŭcaŭ i miedal «Turkmienski śmieły ałabaj hoda» dla pieramožcy zapłanavanaha konkursu pryhažości dla sabak parody ałabaj (siarednieazijackaj aŭčarki). Miedal taksama zasnavany pavodle rašeńnia prezidenta.
Raniej pisałasia, što ŭ Turkmienistanie zasnavali śviata ałabaja, jakoje budzie adznačacca kožnuju apošniuju niadzielu krasavika razam z nacyjanalnym śviatam achałtekinskaha kania.
10 listapada ŭ Ašchabadzie byŭ adkryty hihancki pomnik ałabaju. Załaty manumient ustalavany na pastamiencie, akružanym videaekranam. Padčas cyrymonii adkryćcia na ekranie demanstravalisia roliki z udziełam sabak hetaj parody.
Kamientary