Biełarusy Italii zaklikali papu Franciška sustrecca sa Śviatłanaj Cichanoŭskaj
U liście, adrasavanym dziaržsakrataru Vatykana kardynału Pjetra Paralinu, Asacyjacyja biełarusaŭ Italii vykazvaje svajo «ździŭleńnie i abureńnie faktam pieradačy davierčych listoŭ apostalskim nuncyjem Ante Jozičam Alaksandru Łukašenku».
List cytuje supołka biełarusaŭ u Italii ŭ fejsbuku.
«Kali apostalskaja stalica, — pišacca ŭ liście, — sapraŭdy adkrytaja dla dyjałohu z usimi palityčnymi siłami, bačnym znakam hetaj adkrytaści mahło b stać aficyjnaje zaprašeńnie ŭ Vatykan lidara Kaardynacyjnaj rady Śviatłany Cichanoŭskaj, za jakuju addała svaje hałasy na apošnich prezidenckich vybarach absalutnaja bolšaść hramadzian Biełarusi».
Taksama ŭ liście źviartajecca ŭvaha na situacyju z zabaronaj na ŭjezd u Biełaruś katalickaha mitrapalita Tadevuša Kandrusieviča.
Kamientary