Siońnia, 14 lipienia, Centrvybarkam pravodzić rehistracyju kandydataŭ u prezidenty Biełarusi. Razhlad adbyvaŭsia ŭ ałfavitnym paradku.
Pieršym razhladali Viktara Babaryku. Try niaznačnyja prablemy z asabistymi dachodami. Pryčym dachod pa ablihacyjach navat krychu mienšy (65 dalaraŭ), ale dachod pa akcyjach navat krychu bolšy.
Adnak potym Jarmošyna začytała list Kamiteta dziaržaŭnaha kantrolu, što Babaryka ažyćciaŭlaŭ niezakonnuju dziejnaść (stvaryŭ arhanizavanuju złačynnuju hrupu, ažyćciaŭlaŭ vyvad srodkaŭ, atrymlivaŭ niezakonnyja dachody i h.d.). Pa słovach Jarmošynaj, u dekłaracyi Babaryki nie adlustravany materyjalnyja srodki i nieruchomyja majomaści, a taksama dachody ad padkantrolnych struktur.
Jana kaža pra «Pryvatlizinh», «Pravavy dyjałoh», afšory, firmy-prakładki i arhanizavanuju złačynnuju hrupu.
Kažuć pra ŭłasnaść u afšorach i vyvadzie srodkaŭ na Kipr, u Litvu, u Łatviju.
Taksama zajavili, što Babaryka nibyta vykarystaŭ dla vybaraŭ zamiežnuju dapamohu (Biełhazprambanka), što źjaŭlajecca parušeńniem vybarčaha zakanadaŭstva. U padmacavańnie hetaj tezy Jarmošyna nazvała ŭdzieł rabotnikaŭ banka ŭ inicyjatyŭnaj hrupie Babaryki i ich karystańnie słužbovymi telefonami ŭ pieryjad zboru podpisaŭ.
Pradstaŭnik Viktara Babaryki Maksim Znak zapiarečyŭ, što abvinavačvańni — heta prosta abvinavačvańni, nie dakazanyja, nie acenienyja sudom. Što da rabotnikaŭ Biełhazprambanka, to jaho supracoŭniki takija ž hramadzianie Biełarusi, jak usie astatnija.
Ale arhumienty jurysta Babaryki nie mieli značeńnia dla kamisii Lidzii Jarmošynaj. CVK adzinahałosna pastanaviŭ nie rehistravać Viktara Babaryku.
Členy hetaj kamisii paśpieli jašče aburycca, što internet-resursy raźmiaścili infarmacyju pra nierehistracyju Babaryki, jak tolki pačuli z dakłada Jarmošynaj, što ŭ vinu jamu staviacca źviestki śledstva Kamiteta dziaržaŭnaha kantrolu.
Apytanka
Štab Babaryki: Vy bačycie, jakoje biasčynstva tvorycca
***
Dakumienty na rehistracyju zdavali siem pretendentaŭ: Viktar Babaryka, Andrej Dźmitryjeŭ, Hanna Kanapackaja, Alaksandr Łukašenka, Valeryj Capkała, Śviatłana Cichanoŭskaja, Siarhiej Čeračań.
U vyniku zarehistravanyja Hanna Kanapackaja, Andrej Dźmitryjeŭ, Siarhiej Čeračań, Śviatłana Cichanoŭskaja i Alaksandr Łukašenka.
***
Ad siońnia pačynajecca ahitacyjnaja kampanija. Kandydaty ŭ prezidenty mohuć sustrakacca z vybarščykami i vystupić pa dziaržaŭnym telebačańni i radyjo, a da 19 lipienia pavinny pradstavić u drukavanyja ŚMI teksty pieradvybarnych prahram dla apublikavańnia.
Ale ŭ SIZA znachodzicca i kiraŭnik inicyjatyŭnaj hrupy Śviatłany Cichanoŭskaj Siarhiej Cichanoŭski.
Vybary projduć 9 žniŭnia.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady6
Kamientary