ANT spyniła supracoŭnictva ź Dźmitryjem Uranhielem, jaki raskrytykavaŭ dziejańni AMAPa kala Symbal.by
U piatnicu 26 červienia pavinien byŭ vyjści ŭ efir čarhovy vypusk prahramy «Pryhody kapitana Uranhiela», adnak pieradaču nie pakazali. Napiaredadni šoŭmen vystupiŭ z krytykaj z nahody situacyi ŭ krainie, piša Salidarnaść.
Teletranślacyja šou «Pryhody kapitana Uranhiela» zavieršana. Čarhovy vypusk, pryśviečany Kubie, pavinien byŭ vyjści ŭ piatnicu ranicaj.
Niahledziačy na toje, što pieradača raniej była praanansavanaja, u efir jana tak i nie patrapiła. Paźniej Dźmitryj Uranhiel daviedaŭsia, što supracoŭnictva ź im spynienaje — «biez tłumačeńnia pryčyn».
«Usim prychilnikam našaj aŭtarskaj prahramy chaču paviedamić, što telekanał ANT spyniŭ jaje pakaz. Siabry, usie, chto byŭ z nami, dziakuj!» — napisaŭ Dźmitryj Uranhiel.
Ciapier pieradačy Dźmitryja Uranhiela možna pahladzieć tolki na youtube-kanale.
Adznačym, što niekalkimi dniami raniej Dźmitryj Uranhiel vystupiŭ z rezkaj krytykaj dziejańniaŭ AMAPa kala kramy Sumbal.by. a taksama vykazaŭsia z nahody situacyi ŭ krainie:
«Ja nie baču roźnicy pamiž arhanizavanymi złačynnymi hrupoŭkami RB 80-90-ch i siońniašnim dniom! Tady, u 90-ch, chłopčykaŭ i babul pa dvarach nie ščamili, u kut, jak žyvioł nie zahaniali, ludziej u pałonie masava nie trymali. Takoj niebiaśpieki za svajo žyćcio i žyćcio svaich blizkich ja nie adčuvaŭ, jak siońnia!»
Kamientary