Novy mastacki konkurs dla školnikaŭ «Vyrazanki» — heta mahčymaść viarnucca ŭ kazačny suśviet dackaha piśmiennika Chansa Kryscijana Andersiena i pa-novamu asensavać daŭno viadomyja tvory. I, kaniešnie, ukacić u leta na novym rovary!
Konkurs źviartajecca da tvoraŭ znakamitaha dackaha kazačnika Ch. K. Andersiena. U 2020 hodzie adznačajecca 215-ja hadavina sa dnia naradžeńnia vialikaha piśmiennika, aŭtara mnostva kazak, ale jaho suśvietna viadomyja historyi žyvuć pa-za časam, uzrostam i nacyjanalnaściu. Praz šmat hadoŭ takija kazki, jak «Śniežnaja karaleva», «Rusałačka», «Novaje adzieńnie karala» i mnohija inšyja, natchniali aŭtaraŭ pa ŭsim śviecie na stvareńnie roznych tvorčych interpretacyj: prozy, teatralnych pjes, muzyki i filmaŭ, u tym liku znakamitych animacyjnych, zroblenych kampanijaj Uołta Dysneja, hulniaŭ, malunkaŭ, skulptur i šmat čaho jašče.
Meta hetaha konkursu — paznajomić biełaruskich školnikaŭ z tvorami Ch. K. Andersiena, paspryjać razvićciu ich fantazii, tvorčasci i navatarskaha myśleńnia praz stvareńnie svaich interpretacyj viadomych kazak.
My zaprašajem školnikaŭ va ŭzroście 7-15 hadoŭ stvaryć svaje tvorčyja pieraasensavanni adnoj z mnostva kazak Ch. K. Andersiena. Heta moža byť malunak, animacyja, žyvapis, kałaž ci navat vyrazanka — lubimy zaniatak piśmiennika. Fantazija — heta adzinaje abmiežavańnie!
Zajaŭki na konkurs prymajucca z 11 traŭnia pa 7 červienia 2020 hoda.
Tvorčyja raboty buduć acenieny žury, jakoje vyznačyć pieramožcaŭ u dźviuch uzrostavych katehoryjach (7-11 hadoŭ i 12-15 hadoŭ). Pieramožcy buduć abvieščany 22 červienia 2020 hoda.
Pieramožca ŭ kožnaj uzrostavaj hrupie atrymaje novy dacki rovar — Kildemoes!
U skład žury ŭvachodziać biełaruskija i dackija mastaki, ilustratary i inšyja ekśpierty:
— Hienadź Macur. Mastak, ilustratar (Biełaruś).
— Julija Rudzickaja. Mastačka, animatarka (Biełaruś).
— Kaciaryna Dubovik. Mastačka, ilustratarka (Biełaruś).
— Mormor. Mastak (Danija).
— Simon Dreŭsien Chołmbier. Dyrektar Instytuta dackaj kultury ŭ Estonii, Łatvii i Litvie.
— Alena Makoŭskaja. Kaardynatarka hramadskaj kulturnickaj kampanii «Budźma biełarusami!».
— Bahusłava Sachańska. Dyrektarka Instytuta dackaj kultury ŭ Polščy.
Dla ŭdziełu ŭ konkursie aŭtary pavinny zapoŭnić zajaŭku, a taksama pradstavić tvorčuju rabotu ŭ elektronnaj formie.
Daviedacca bolš pra praviły i ŭmovy konkursu možna tut.
Konkurs arhanizavany Instytutam dackaj kultury ŭ Estonii, Łatvii i Litvie ŭ supracoŭnictvie z hramadskaj kulturnickaj kampanijaj «Budźma biełarusami!».
Kantaktnaja infarmacyja — Darja Hoha, [email protected].
Z pałažeńniem konkursu možna paznajomicca tut.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary