U Stoŭbcach pachavali miedsiastru, jakaja pracavała ŭ Minsku z karanavirusnymi chvorymi
Telekanał «Biełsat» na Radaŭnicu naviedaŭ haradskija mohiłki ŭ Stoŭbcach, žurnalisty jakraz zaśpieli pachavańnie 61-hadovaj Hanny S., jakaja pamierła 24 krasavika. Hanna pracavała miedsiastroj u Miensku, u haradskim kliničnym skurna-vienierałahičnym dyspansiery, a žyła ŭ Stoŭbcach.
«Kožny raz paśla źmieny brali ŭ jaje mazok, voś tak i vyjavili dyjahnaz», — raspaviadaje muž Hanny, Uładzimir S. «Jana była ŭ liku tych miedrabotnikaŭ, jakija pracavali ź pieršymi kantaktami».
9 krasavika, pa słovach Uładzimira, Hanna trapiła ŭ reanimacyju 4-j haradskoj kliničnaj bolnicy.
«Troški ja pakryŭdžany, viadoma. Treba było jaje raniej u reanimacyju kłaści, ale ničoha ŭžo nie viernieš. Pryčyna śmierci — karonakardyjaskleroz, spadarožnyja — karanavirus. COVID-19 u jaje paćvierdžany, ale aficyjna pamierła ad słaboha zdaroŭja. Ale ž joj spoŭniłasia b 62 hady ŭ traŭni, u kaho ŭ takim uzroście mocnaje zdaroŭje?» — zadajecca pytańniem Uładzimir.
Na pachavańni Hanny S. — tolki čatyry čałavieki, samyja blizkija. Akramia muža, dačka z mužam i śviakroŭ. Syn Hanny i Uładzimira na pachavańnie maci pryjechać nie zmoh, jon špitalizavany ŭ bolnicu Stoŭbcaŭ, dzie 3 dni tamu jamu taksama paćvierdzili karanavirus. Uziali analizy i ŭ inšych čalcoŭ siamji, ale, pa słovach Uładzimira, jany admoŭnyja.
Hannu pachavali ŭ zakrytaj trunie.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»7
Kamientary