Prakuratura Respubliki Kareja ŭ aŭtorak zapatrabavała 30 hadoŭ turmy dla byłoha prezidenta respubliki Pak Kyn Chie, jakuju abvinavačvajuć u karupcyi, chabarnictvie, złoŭžyvańni ŭładaj i razhałašeńni dziaržaŭnaj tajamnicy. Pra heta paviedamiła ahienctva Yonhap News.
Pak Kyn Chie była adpraŭlena ŭ adstaŭku ŭ vyniku impičmentu ŭ pačatku 2017 hoda paśla taho, jak vyśvietliłasia, što jana zamiašana ŭ bujnym karupcyjnym skandale.
Pa dadzienych ahienctva, prakuratura taksama zapatrabavała aštrafavać eks-prezidenta na $ 110,4 młn. Čakajecca, što prysud u dačynieńni da Pak Kyn Chie budzie vyniesieny ŭ kancy sakavika.
Palityčny skandał vakoł byłoha lidara krainy razhareŭsia ŭ kastryčniku 2016 hoda, kali ŭ druku źjavilisia źviestki pra ŭpłyŭ na jaje z boku blizkaj siabroŭki pa imieni Čchvie Sun Sil. Rasśledavańnie pakazała, što na praciahu niekalkich hadoŭ apošniaja była aznajomlena z detalami dziaržaŭnaha kiravańnia i ŭmiešvałasia ŭ chod pryniaćcia palityčnych rašeńniaŭ na najvyšejšym uzroŭni. Akramia taho, siabroŭka eks-prezidenta akazvała cisk na šerah kampanij z metaj pieraličeńnia imi dziasiatkaŭ miljonaŭ dalaraŭ u padkantrolnyja joj fondy.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary