Supracoŭnik Maskoŭskaha RUUS Minska pa proźviščy Michalonak pakarany za niecenzurnuju łajanku ŭ adras hamadzianki Haliny Łahackaj. Dapamoh u hetym žančynie dyktafon, na jaki jana zapisała svaju razmovu z pravaachoŭnikam.
«U ich zabaroniena vieści aŭdyjozapis, ja hetaha nie viedała. Kali b nie zapis, ja b nie rypałasia, maŭčała, prynižanaja syšła b, i ničoha nie dakazała. Jon pryznaŭsia, što maciukaŭsia i vybačyŭsia. Ja zadavolenaja, što atrymałasia jaho pakarać. Budu damahacca hrašovaj kampiensacyi za maralnuju škodu», — havoryć paciarpiełaja.
1 sakavika Halina Łahackaja pryjšła ŭ Maskoŭski RUUS pahutaryć z načalstvam, kab jaje nie štrafavali za ŭdzieł u akcyi niedarmajedaŭ, bo jana nie ličyć siabie ŭ niečym vinavataj. Namieśnik načalnika Mikałaj Rudnicki vyhnaŭ žančynu z kabinieta i zahadaŭ svajmu padnačalenamu Michalonku vypravadzić jaje z budynka RUUS. Michalonak vykanaŭ zadaču z prymianieńniem siły i mocnaha słova.
Halina zapisała, jak heta ŭsio adbyvałasia (aściarožna, na zapisie prysutničaje niecenzurnaja leksika!):
U vyniku pravierki Śledčy kamitet pryznaŭ fakt niekarektnych pavodzinaŭ Michalonka. Milicyjaniera pazbavili premii za miesiac, a taksama vyklikali na tavaryski sud.
Kamientary