U Vilejcy zatrymany małady čałaviek, jaki 28 lutaha ŭvarvaŭsia ŭ kvateru miascovaj žycharki ź pnieŭmatyčnym pistaletam.
Vyśvietliłasia, što na žančynu napadaŭ pryjaciel jaje syna. Chłopiec paskardziŭsia siabru na svaju maci i jaje sužyciela.
Małady čałaviek vyrašyŭ dapamahčy ich «vychavać» i ranicaj 28 lutaha ŭ mascy i ź pistaletam uvarvaŭsia ŭ kvateru da žančyny, udaryŭ sužyciela, źviarnuŭsia da abaich z pramovaj i źbieh.
Paciarpiełyja źviarnulisia ŭ milicyju. Chłopca zatrymali na praciahu dźviuch hadzin. Jaho asobu vyznačyli, u tym liku z dapamohaj zapisaŭ ź videakamier, jakija byli ŭstalavanyja na susiednich administracyjnych budynkach. Małady čałaviek va ŭsim pryznaŭsia, doma ŭ jaho znajšli pnieŭmatyčny pistalet i masku.
U dačynieńni da «vychavaciela» zaviali kryminalnuju spravu — chłopcu pahražaje da 10 hadoŭ.
Kamientary