Adkryty list katalikoŭ z Łyntup biskupu Viciebskamu

Biskupu Viciebskaj dyjacezii
Alehu Butkieviču

My, katalickija vierniki Łyntupskaj parafii sv. Andreja Apostała, źviartajemsia da Vas, hłybokapavažany pastar, z nahody vyzvaleńnia ad zajmanaj pasady probašča našaj parafii ksiandza Paŭła Knuraka ŭ suviazi ź pieravodam jaho na novaje miesca pracy ŭ horad Viciebsk. U suviazi z vyšej adznačanym u najbližejšy čas stanie vakantnaj pasada probašča našaj parafii sv. Andreja Apostała ŭ miastečku Łyntupy.

Pavialičyć

Zychodziačy z abstavinaŭ, my, vierniki Łyntupskaj parafii, prosim Vas, Vaša Ekscelencyja, pryznačyć na vakantnuju pasadu probašča našaj parafii sv. Andreja Apostała syna našaj ziamli, ksiandza Uładzimira Šymkaviča i vyzvalić jaho ad abaviazkaŭ probašča Dubrovienskaj parafii, jakija jon vykonvaje na ciapierašni čas. Prysłuchaŭšysia da našaj prośby, Vy, Vaša Ekscelencyja, na našu dumku, padtrymajecie novuju tradycyju śviatoha apostalskaha trona, jakaja znajšła hłyboki vodhuk u sercach viernikaŭ, — pryznačyć da pasady pastyraŭ synoŭ toj ziamli, dzie znachodzicca ich novaja pasada, što znajšło adlustravańnie i ŭ Vašym pryznačeńni na pasadu biskupa Viciebskaj dyjacezii.

Ksiondz Uładzimir Šymkavič, syn našaj łyntupskaj ziamli, dobra viedaje dušu tutejšaha narodu, jaho prablemy, patreby i spadziavańni, bo jon sam źjaŭlajecca svaim, tutejšym, nieadjemnaj čaścinaj našaj łyntupskaj katalickaj hramady. U dziciačyja hady Uładzimir Šymkavič źviedaŭ horkuju sirockuju dolu. Mo praz heta hałoŭnymi rysami jaho charaktaru stali ścipłaść i miłasernaść. Nialohkija vyprabavańni vypali na jaho dolu i ŭ časy dušpastarskaha słužeńnia. Ale ksiondz Uładzimir nie sastupiŭ pierad ciažkaściami, a, pieramahajučy ich, jašče bolš uzmacniŭ svaju Śviatuju Vieru va Usiomahutnaha Stvaralnika Suśvietu i hartavaŭ svaju volu. Tolki pachvały i pašany zasłuhoŭvaje jaho misijanierskaja dziejnaść. Jon prosta z ruinaŭ adradziŭ zrujnavanyja ŭ lichija čas našyja chramy ŭ Novadrucku i Dubroŭnie dy zmoh padabrać klučyki da źniavieranych dušaŭ u tych miascovaściach i pryvioŭ ich da Boha ŭ adrodžanyja chramy. Treba nie zabyvacca, što heta ŭsio adbyvałasia ŭ pravasłaŭnym akružeńni! Voś ab takim pastyry my, łyntupskija vierniki, i marym.

My spadziajomsia, što ŭ Vašaj asobie my znojdziem parazumieńnie i padtrymku našaj miłaścivaj prośby, a ŭžo z našym miascovym śviatarom zmožam hodna padrychtavacca da vielmi značnaj da našaj parafii daty — u 2019 hodzie spoŭnicca 560 hadoŭ Łyntupskaj parafii. My pierakananyja ŭ Vašym mudrym vyrašeńni dadzienaj spravy i z chryścijanskaj pakoraj prymiem, Vaša Eksielencyja, rašeńnie, jakoje b jano ni było. Na ŭsio vola Božaja!

Chaj budzie pachvalony na vieki viakoŭ Jezus Chrystus!

Na vieki viakoŭ! Amen.

Pisana 1 śniežnia 2016 hoda ŭ miastečku Łyntupy.

Napierad udziačnyja vierniki parafii sv. Andreja Apostała ŭ miastečku Łyntupy:

1) Harbul Alaksandr Vasiljevič

2) Harbul Maryja Jahoraŭna

3) Paškoŭski Ryčard Oisifavič

4) Žaryna Alena Ryčardaŭna

5) Šurpicki Vilhielm Piatrovič

6) Šurpickaja Hienia Ksavieraŭna

7) Kajra Iryna Ivanaŭna

8) Urbanajć Maryna Adolfaŭna

9) Piakarskaja Śviatłana Uładzimiraŭna

10) Traščynskaja Iryna Uładzisłavaŭna

11) Šymkovič Natalla Alaksandraŭna

12) Domža Natalla Hieorhijeŭna

13) Bondar Hanna

14) Žukava Hanna Balasłavaŭna

15) Vitkoŭskaja Valancina Michajłaŭna

16) Domža Safija Iosifaŭna

17) Vaškipiel Danuta Ludvikaŭna

18) Stelmak Vacłaŭ Branisłavavič

19) Piaskovaja Frania Francaŭna

20) Kułdo Jeva Vikienćjeŭna

i jašče 83 podpisy.

• 0
• 0
• 0
• 0
• 0
• 0
• 0
• 0