Za trahiedyjaj u pasiołku Krasnyja Struhi pad Pskovam karystalniki siervisa «Pieryskop» mahli nazirać u žyvym efiry.
15-hadovyja padletki Dzianis i Kaciaryna ŭciakli z doma i niekalki dzion žyli ŭ domie ajčyma dziaŭčyny, byłoha śpiecnazaŭca.
Kali da ich pryjechali svajaki, adbyłasia sutyčka. Babula Kaciaryny adbirała ŭ dziaŭčyny nož i padčas zmahańnia parezała joj ruku. Tady Dzianis streliŭ ź pnieŭmatyki ŭ nahu maci dziaŭčyny.
Svajaki «adstupili» i pazvanili ŭ palicyju. Ale zakachanyja padletki abstralali mašynu siłavikoŭ i zabarykadziravalisia. U čakańni šturma jany viali žyvuju tranślacyju ŭ «Pieryskopie» i adkazvali na pytańni hledačoŭ.
«Vy razumiejecie, kali my vierniemsia, žyćcio ŭžo skončana budzie pa sutnaści: kryminałka, prablemy z baćkami, prablemy ŭ škole…
Mnie daviadziecca płacić za ŭsio. Ja zabiŭ dvuch sabak, ja prastreliŭ akno ŭ łaźni, u susiedziaŭ, mientaŭskuju mašynu, stralaŭ u palicejskich, źniaŭ pahony», — raskazvaŭ Dzianis.
Padletki apublikavali na svaich staronkach «Ukantakcie» adnolkavyja raźvitalnyja pasłańni da svajakoŭ, abvinavaciŭšy blizkich u «razbureńni psichiki i žyćcia». U efiry jany kazali, što ŭ ich nie zastałosia zbroi, maŭlaŭ, skončylisia patrony.
Urešcie, raźvitaŭšysia z hledačami, padletki spynili tranślacyju.
Siłaviki, jakija pačali šturm, znajšli ŭ pakoi trupy dvuch padletkaŭ. Pavodle ich zajavy, Dzianis spačatku zabiŭ Kaciarynu, a paśla zastreliŭsia sam.
Na videa skaročanaja viersija efiru, rasšyfroŭka poŭnaj viersii tut.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»7
Kamientary