Ułady Vieniesueły anansavali štodzionnaje adklučeńnie elektryčnaści na čatyry hadziny. Adklučeńni pačnucca na nastupnym tydni i praciahnucca 40 dzion, paviedamlaje BBC. Na minułym tydni było abvieščana pra płany pieravieści krainu ŭ inšy časavy pojas dziela ekanomii elektraenierhii na fonie niehatyŭnych źmianieńniaŭ klimatu, vyklikanych fienomienam El-Nińjo.
Praz praciahłuju zasuchu hidraelektrastancyi krainy nie mohuć pracavać na poŭnuju mahutnaść. Choć Vieniesueła vałodaje vialikimi zapasami nafty, jana atrymlivaje vialikuju častku svajoj elektraenierhii ad HES.
Raniej u sieradu najbujniejšy piŭny zavod u krainie abviaściŭ, što z-za finansavaha kryzisu budzie vymušany praz tydzień spynić pracu. Zavod pracuje na impartnym jačmieni, ale z-za abmiežavańniaŭ na abmien valuty ŭ jaho niama hrošaj, kab zakupić čarhovuju porcyju syraviny. Jačmieniu chopić jašče na tydzień, paśla čaho zavod budzie vymušany całkam spynić vytvorčaść piva.
Usio heta adbyvajecca na fonie skaračeńnia ekanamičnaha rostu z-za nizkich koštaŭ na naftu. Jak i ŭ Rasiei, ekspart nafty składaje bolšuju častku biudžetu Vieniesueły, i padzieńnie koštaŭ drenna adbivajecca na jaje ekanomicy. U minułym hodzie VUP Vieniesueły skaraciŭsia na 5,7%, a inflacyja dasiahnuła 180%.
Anałahičny enierhietyčny kryzis praz zasuchu zdaryŭsia ŭ krainie ŭ 2010 hodzie. Tady prezident Uha Čavies byŭ vymušany ŭvieści nadzvyčajnaje stanovišča
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie13
Kamientary