U sieradu, 13 krasavika, u Minsku paśla ciažkaj chvaroby na 69-m hodzie žyćcia pamior viadomy biełaruski žurnalist i piśmieńnik Michaił Kaciušenka.
Michaił Kaciušenka naradziŭsia 1 sakavika 1947 hoda ŭ Minsku. Skončyŭ fakultet žurnalistyki BDU, Vyšejšuju partyjnuju škołu, a taksama aśpiranturu Akademii hramadskich navuk pry CK KPSS.
Pracavaŭ u haziecie «Čyrvonaja źmiena», CK ŁKSMB, namieśnikam hałoŭnaha redaktara časopisa «Krynica» («Rodnik»), hałoŭnym redaktaram biełaruska-niamieckaha časopisa «Jeŭrastyl».
Ale, sapraŭdy zornym časam Michaiła Kaciušenka stali dzieviać hadoŭ, kali jon uznačalvaŭ moładzievuju hazietu «Znamia junosti», jakaja stała pry im samym papularnym pieryjadyčnym vydańniem Biełarusi z rekordnym tyražom.
Pry im i pry jaho aktyŭnym udziele ŭ redakcyi vyrasła cełaja plejada talenavitych maładych žurnalistaŭ, što ciapier paśpiachova pracujuć u viadučych ŚMI Biełarusi.
Michaił Kaciušenka byŭ členam Sajuza piśmieńnikaŭ Biełarusi, členam Sajuza žurnalistaŭ Biełarusi, kandydatam fiłałahičnych navuk. Jaho ramany, apovieści, apaviadańni vydavalisia ŭ Minsku, Maskvie, Varšavie … Jon źjaŭlajecca aŭtaram dzieviaci knih.
Vyjšaŭ na svabodu 76-hadovy Siamion Dobkin, brat zasnavalnika EPAM7
Kamientary