Prezident Turcyi Redžep Taip Erdahan u piatnicu nazvaŭ śmiechu vartymi zakidy rasiejskich uładaŭ u tym, što Turcyja rychtuje ŭvarvańnie ŭ Siryju.
«Ja znachodžu rasijskuju zajavu śmiešnaj … chutčej, heta Rasija ŭ ciapierašni čas zajmajecca ŭvarvańniem ŭ Siryju», — cytuje Erdahana dziaržaŭnaje ahienctva «Anatolija».
U čaćvier aficyjny pradstaŭnik rasijskaha viedamstva Ihar Kanašenkaŭ publična vykazaŭ zdahadku, što Turcyja rychtuje ŭvarvańnie.
«My majem surjoznyja padstavy padazravać intensiŭnuju padrychtoŭku Turcyi da vajskovaha ŭvarvańnia na terytoryju suvierennaj dziaržavy — Siryjskaj Arabskaj Respubliki… Prykmiet schavanaj padrychtoŭki tureckich uzbrojenych sił da aktyŭnych dziejańniaŭ na terytoryi Siryi my fiksujem usio bolš i bolš», — skazaŭ Kanašenkaŭ.
Niekalkimi dniami raniej ministerstva abarony RF abvinavaciła Turcyju ŭ abstrele prymiežnych nasielenych punktaŭ na terytoryi Siryi i zapatrabavała ad NATA i Pientahona tłumačeńniaŭ u suviazi z hetym.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary