Masavyja pieratrusy ŭ žurnalistaŭ radyjo «Racyja», «Biełsatu», «Eŭraradyjo»
Siońnia miž 8-j i 9-j hadzinami ranku KDB uvarvałasia na kvatery ŭsich žurnalistaŭ i aŭtaraŭ, jakija pracavali ŭ Biełarusi dla telekanału «Biełsat». Im staviać abvinavačvańni ŭ źniavazie prezydenta Łukašenki. U toj samy čas adbylisia pieratrusy ŭ žurnalistaŭ radyjo «Racyja», Eŭraradyjo ŭ Miensku i rehijonach.
 |
Siońnia miž 8-j i 9-j hadzinami ranku KDB uvarvałasia na kvatery ŭsich žurnalistaŭ i aŭtaraŭ, jakija pracavali ŭ Biełarusi dla telekanału «Biełsat». Bolšaść ź ich zatrymanyja. Im staviać abvinavačvańni ŭ źniavazie prezydenta Łukašenki. Pra heta paviedamiŭ internet-vydańniu gazeta.pl šef redakcyi infarmacyjnych prahramaŭ «Biełsatu» Alaksiej Dzikavicki. Pry pieratrusaŭ zatrymlivali ŭsich tych, chto prychodziŭ u kvatery ŭ hety čas. Kala 20 aŭtaraŭ «Biełsatu» nie vychodziać na suviaź na hety momant, -- kaža Dzikavicki.
Jak paviedamiŭ supracoŭnik redakcyi radyjo «Racyja», niedzie a 8.30 da kvatery, u jakoj žyvie supracoŭnik radyjo, pryjšli supracoŭniki KDB. Jany stajać na leśvičnaj placoŭki la dźviarej kvatery i zatrymlivajuć usich, chto idzie da dźviarej. Zatrymany žurnalist Barys Harecki. Zatrymany žurnalist ahienctva BiełaPAN, jaki pajechaŭ na miesca vyśviatlać padziei, Alaksandar Janusik.
12:50 Z kvatery, jaki zdymaje supracoŭnik Radyjo Racyja, vynosiać usiu techniku: kamputary, vinčestary (usiaho čatyry systemnyja bloki, adzin noŭtbuk, vizitnicy), dyktafony, hruziać u «Hazel» ludzi ŭ cyvilnym.
Žurnalistku Julu Kockuju -- jana była adzinaja na zhadanaj kvatery -- viazuć na dopyt u KDB pa spravie aŭtaraŭ satyryčnych multfilmaŭ Miniča, Marozava, Abozava.
Barysa Hareckaha i žurnalista BiełaPAN Alaksandra Janusika.
***
Taksama, jak paviedamlaje BAŽ, supracoŭniki specsłužbaŭ pryjšli ŭ kvateru homielskaha žurnalista Anatola Hatoŭčyca. Pavodle papiarednich źviestak, padobnaja ž situacyja ŭ Bieraści, Viciebsku (Alena Ściapanava), i Horadni, dzie pradstaŭniki śpiecsłužbaŭ taksama sprabujuć trapić u pryvatnyja pamiaškańni miascovych žurnalistaŭ.
Viciebskuju niezaležnuju žurnalistku Alenu Ściapanavu pavieźli na dopyt u KDB. U jaje kanfiskavany systemny błok ad kamputara i čatyry kampakt-dyska.
Na kvatery biarozaŭskaj žurnalistki Ščapiotkinaj, jakaja supracoŭničała z RR adbyvajecca pieratrus. Joj pakazali order vypisany ŭ Miensku. Abvinavačvajuć u paklopie na prezydenta. Pavodle słovaŭ aktyvista Ruchu za Svabodu Jurja Hubareviča, pieratrus u Tamary Ščapiotkinaj u Biarozie adbyŭsia na padstavie kryminalnaj spravy ŭ dačynieńni da Marozava, Abozava («Treci šlach», staraja-staraja i nieaktualnaja sprava ab multfilmach i karykaturach). U Ščapiotkinaj kanfiskujuć systemny blok kampatura.
Supracoŭniki KDB pakazali order na vobšuk za podpisam pamočnika hienprakurora Struka.
* * *
U Miensku zatrymany adzin z supracoŭnikaŭ Biełsatu. Pra heta BiełaPAN paviedamiła adna ź jaho kaleh. Dadychodziačy ranicaj da ofisu ranicaj 27 sakavika, jana pačuła kryki na placoŭcy pierad ofisam i paśpieła zaŭvažyć, jak troje ŭ cyvilnym sprabujuć zatrymać žurnalista. «Vidavočna, była bojka. Ja zrazumieła, što na ofisie abłava, i syšła adtul».
Chartyja'97 paviedamlaje, što prajšoŭ pieratrus na kvatery Eduarda Mielnikava, aŭtara tok-šoŭ «Forum» na telekanale «Biełsat», a ŭ pieršaj pałovie 90-ch — namieśnika staršyni BT.
* * *
Na Eŭraradyjo nadzvyčajnaja sytuacyja.
«Eksperty Eŭraradyjo, jakija znachodziacca ŭ ofisie adnoj ź mienskich firmaŭ, stali niedastupnyja dla suviazi z 9.05 ranicy 27 sakavika. Źviazacca ź imi da hetaha času niemahčyma», — paviedamlaje sajt belradio.fm .
* * *
Jak paviedamiŭ BiełaPAN namieśnik staršyni Biełaruskaj asacyjacyi žurnalistaŭ juryst Andrej Bastuniec, pavodle jaho infarmacyi, vobyski pravodziacca pa ŭsioj krainie.
«Trasuć usich žurnalistaŭ, jakija tak ci inakš byli źviazany z zamiežnymi ŚMI. Heta robicca pad markaj kryminalnaj spravy, što nibyta raspačata pa fakcie źniavahi prezidenta. Ale pakolki ŭsio heta pačałosia adnačasova, to ja liču, što kryminalnaja sprava — tolki padstava dla taho, kab niejtralizavać žurnalistaŭ», — skazaŭ A. Bastuniec.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary