U Salihorskim rajonie ŭ šachcie «Biełaruśkalija» zahinuŭ rabočy. Trahičnaje zdareńnie adbyłosia ŭ paniadziełak, 2 listapada, kala 17-j hadziny.
Na hłybini 420 mietraŭ vykonvalisia raboty pa ŭmacavańni hornaj vypracoŭki. Raptoŭna adbyłosia ŭzmocnienaje vyłučeńnie hazu. Kancentracyja paroŭ mietanu ŭ pavietry składała bolš za 10% (dapuščalnaja norma kancentracyi — 1%). U vyniku hetaha i zahinuŭ mužčyna, jaki pracavaŭ krapilščykam 5-ha padziemnaha hornaha ŭčastka 3-ha rudaŭpraŭleńnia pradpryjemstva, paviedamlaje pres-słužba MNS.
Salihorskim rajonnym adździełam Śledčaha kamiteta pa fakcie parušeńnia praviłaŭ biaśpieki hornych rabot, što paciahnuła pa nieaściarožnaści śmierć čałavieka, raspačata kryminalnaja sprava, paviedamlaje pres-słužba SK.
Na miescy zdareńnia praciahvaje pracavać śledčaja hrupa, dziejańni jakoj kaardynujuć śledčyja abłasnoha aparata ŭpraŭleńnia Śledčaha kamiteta pa Minskaj vobłaści. Pravodzicca ahlad miesca zdareńnia, adbirajecca dakumientacyja, jakaja rehłamientuje paradak praviadzieńnia kankretnych vidaŭ hornych rabot, pryznačanyja ekśpiertnyja daśledavańni.
U miežach kryminalnaj spravy, zaviedzienaj pa č.2 art.303 Kryminalnaha kodeksa, ustanaŭlivajucca pryčyny i ŭmovy, što paspryjali trahiedyi, havorycca ŭ paviedamleńni pres-słužby.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary