Windows 10 budzie kaštavać 110-150 dalaraŭ, ale mnohija atrymajuć jaho biaspłatna.
Karparacyja Microsoft nazvała aficyjnuju datu vychadu Windows 10: 29 lipienia 2015 hoda. Datu vychadu paćviardžaje i Cortana — hałasavy asistent na Windows Phone i papiaredniaj viersii Windows 10.
Karystalnikam Windows 7 i 8 užo prapanujuć zareziervavać biaspłatnaje abnaŭleńnie dla spampoŭvańnia ŭ datu vychadu.
Abnaŭleńnie budzie pieršy hod paśla vychadu biaspłatnym dla karystalnikaŭ licenzijnych viersij Windows 7 i 8, ale čutki pra «amnistyju dla pirataŭ» nie paćvierdzilisia — kali vy nie kuplali adnu ź dźviuch papiarednich apieracyjonak Microsoft, za «dziasiatku» daviadziecca płacić.
Pavodle čutak, Windows 10 budzie kaštavać 110 (za chatniuju viersiju) i 150 dalaraŭ (za prafiesijnuju) — mienavita takija ceny byli zahadzia vystaŭlenyja sajtam newegg.com.
Ahułam budzie vypuščana siem roznych viersij Windows 10: nastolnaja budzie padychodzić i dla vialikich płanšetaŭ, a mabilnaja zapuścicca na płanšetach dyjahanallu mienš za 8 calaŭ. Siarod navinak — padtrymka hałasavoha asistenta Cortana, pierapracavany braŭzier Microsoft Edge, viartańnie knopki «Pusk» i mnohaje inšaje.
Paśla Windows 10 Microsoft źbirajecca admovicca ad vialikich razavych abnaŭleńniaŭ i hučnych prezientacyj, pierajšoŭšy da rehularnych i pastupovych abnaŭleńniaŭ. U płanach taksama pierachod ad razavaj pakupki Windows da rehularnaj apłaty pa padpiscy.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień3
Kamientary