Minski hreka-katolik napisaŭ prahramu dla stvareńnia arnamientu
Malavać arnamient možna naŭprost u braŭziery.
Prahramist Alaksandr Krasoŭski napisaŭ prahramu dla zručnaha malavańnia biełaruskaha arnamientu. Zapuścić jaje možna ŭ lubym braŭziery z padtrymkaj Flash.
Prahrama dazvalaje chutka malavać arnamient razroźnieńniem da 3000ch3000 piksielej i zachoŭvać atrymany malunak na kampjutar.
Jak raspavioŭ «Našaj Nivie» Alaksandr, na stvareńnie prahramy jaho padšturchnuli vodhuki na dyzajn sajta katolik-gomel.by. Uvieś sajt stylizavany pad vyšyvanku, ale arnamient rabiŭsia ŭ niazručnaj prahramie. Alaksandr vyrašyŭ spraścić praces.
«Pa-druhoje, chaciełasia niejak natchnić ludziej pačuć siabie biełarusami, — dadaje jon. — U viek infarmacyjnych technałohij nie zaŭsiody možna dabracca da stvareńnia ručnika. A voś niešta prydumać i stvaryć na kampjutary moža kožny».
Prahramu možna vykarystoŭvać nie tolki dla veba: «Heta moža być cišotka, kubak, malunak u knizie. Taksama možna prosta stvaryć svoj arnamient i raźmiaścić jaho ŭ sacyjalnych sietkach. Usie sprava vašaj fantazii».
Najpierš prahrama pytaje razroźnieńnie budučaha malunka — šyryniu i vyšyniu ŭ piksielach. Pry malavańni možna abrać koler (treba ŭvodzić kod kolera, jaki možna daviedacca, naprykład, tut), schavać sietku dla malavańnia i miežy piksielej u vynikovym malunku.
Šukać prykłady arnamientaŭ jon rekamienduje ci ŭ knihach, ci na sajcie ornaments.shuma.by.
«Nasamreč, prajekt nie zadumvaŭsia jak hłabalny, ale kali ŭžo ludzi karystajucca, budu raźvivać — kaža Alaksandr. — Amal zrabiŭ zachoŭvańnie i viektarny farmat, papraviŭ šmat niedarečnaściej».
Taksama aŭtar prahramy budzie rady dapamozie vałancioraŭ ci hrašovaj padtrymcy — tady prahrama zmoža atrymać jakasnyja pierakłady, nabory arnamientaŭ, a toje i ŭłasny sajt dy viersii dla smartfonaŭ. «Kali siarod čytačoŭ znojdiecca čałaviek, jaki vałodaje typahrafijaj, što drukuje na cišotkach i kubkach, u mianie jeść dla jaho cikavaja prapanova», — dadaje jon.
Zacikaŭlenych Alaksandr prosić pisać na [email protected].
-
ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami
-
Ad braniravańnia pajezdak da ździajśnieńnia navukovych adkryćciaŭ. Nieŭzabavie moža źjavicca novaja madel štučnaha intelektu
-
Kitaj śćviardžaje, što stvaryŭ pieršyja ŭ śviecie drony z łaziernaj zbrojaj
Što zapisana aficyjnaj pryčynaj śmierci adzinaha syna Jarmošynaj?3
Kamientary