Francyja nie moža ŭ dadzieny momant ažyćciavić pieradaču Rasii pieršaha viertalotanosca typu «Mistral» z-za abstanoŭki va Ukrainie.
Z takoj zajavaj vystupiŭ u aŭtorak prezident Fransua Aland, paviedamlaje TASS sa spasyłkaj na pres-słužbu Jelisiejskaha pałaca.
Raniej u aŭtorak z padobnaj zajavaj vystupiŭ ministr zamiežnych spraŭ Francyi Łaran Fabius.
«Umovy pastaŭki pakul nie vykanany. Heta całkam zrazumieła», — skazaŭ jon u efiry radyjostancyi «Frans-enteryt» — Heta pa całkam vidavočnych pryčynach. Dastatkova pahladzieć, što adbyvajecca va Ukrainie», — adznačyŭ Fabius.
Pa słovach ministra, krajni termin pastaŭki «Mistrala» paznačany ŭ kantrakcie. «Isnujuć kantraktnyja abaviazacielstvy, ab jakich ja tut nie budu kazać», — dadaŭ ministr.
***
U červieni 2011 hoda «Rasabaronekspart» i francuzskaja kampanija DCNS zaklučyli kantrakt na budaŭnictva dvuch viertalotanoscaŭ typu «Mistral». Pieradača pieršaha ź ich Rasii była namiečana na vosień 2014 hoda (nazyvalisia daty 14, a zatym 27 listapada).
Viertałatanosiec «Mistral» vodaźmiaščeńniem 21 000 ton i maksimalnaj daŭžynioj korpusa 210 mietraŭ zdolny raźvivać chutkaść bolš za 18 vuzłoŭ. Dalokaść płavańnia — da 20 tysiač mil. Kolkaść kamandy składaje 160 čałaviek, dadatkova viertalotanosiec moža pryniać na bort 450 čałaviek. Avijahrupa ŭklučaje 16 viertalotaŭ, ź jakich šeść moža adnačasova raźmiaščacca na ŭźlotnaj pałubie. Hruzavaja pałuba moža źmiaścić bolš za 40 tankaŭ abo 70 aŭtamašyn.
Łukašenka pra punkty propusku na miažy z Polščaj: Dy chaj choć apošni zakryjuć31
Kamientary