Navučencam lačebnaha fakulteta Biełaruskaha dziaržaŭnaha miedyčnaha ŭniviersiteta prapanavali pabyć ŭ masoŭcy na zdymkach filma «Aviel».
Hrošaj im nie abiacajuć, ale zaličać adpracoŭku za propusk luboj pary ŭ siemiestry — dopis pra heta źjaviŭsia ŭ adnoj z sacyjalnych sietak.
«Na 1—2 lutaha treba vielmi šmat ludziej dla ŭdziełu ŭ zdymkach filma, 20.00—24.00. Apłaty niama, budzie haračy čaj. Za kožny dzień zdymak adpracoŭka biez adpracoŭki na luby dzień u siemiestry!»
Čas zdymak prypadaje na vakacyi studentaŭ. 1 lutaha ad 21.00 da 1.00 płanujecca zdymać sceny na Kastryčnickaj płoščy dy praśpiekcie Niezaležnaści, 2 lutaha — Dom urada. Udzielničajuć pa scenary 4 000 čałaviek.
Nahadajem, u filmie buduć prysutničać epizody, dziejańni jakich razhortvajucca na fonie masavaj demanstracyi ŭ Minsku paśla prezidenckich vybaraŭ 19 śniežnia 2010 hoda. Hety fakt u minułym hodzie daŭ padstavu internet-supolnaści nazvać «Aviel» svojeasablivym adkazam na film «Žyvie Biełaruś» Kšyštafa Łukaševiča pa scenary apazicyjnaha aktyvista Franaka Viačorki.
Na płoščy Niezaležnaści adnoviać momant, kali łamali dźviery ŭ Domie ŭrada. Dla hetaha pierad sapraŭdnymi dźviaryma pastaviać butaforskija —
ich i budzie łamać masoŭka. Zdymki ŭ centry Minska buduć prachodzić ad 30 studzienia pa 2 lutaha.
Jak stała viadoma, 30—31 studzienia paŭdzielničać u masoŭcy zaprašajuć studentaŭ BNTU.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary