Усё ж расстрэл: адхілілі апеляцыю жыхара Лунінца, які адрэзаў галаву немаўляці
31 студзеня Вярхоўны суд вырашыў, што 48-гадовы Віктар Сергель з Лунінца ўсё ж заслугоўвае смерці.
Сергель быў прызнаны вінаватым па жудаснай справе аб забойстве 8-месячнай дзяўчынкі. Адбылося ўсё яшчэ ў 2018 годзе. Мужчына выпіваў дома ў сваёй знаёмай, 26-гадовай Наталлі Колб. Разам яны забілі малую дачку Наталлі. Прычыны і абставіны страшнага ўчынку невядомыя, але калі з працы вярнуўся муж Наталлі Колб, то ўбачыў у хаце п’яную жонку, п’янага госця і мёртвае цела сваёй дачкі на падлозе. Дзяўчынку жорстка збілі і адрэзалі ёй галаву.
Пасля гэтага Наталлю Колб і Віктара Сергеля затрымалі. У кастрычніку 2019 года Брэсцкі абласны суд агучыў вырак: і Наталля, і Віктар атрымалі максімальна магчымыя пакаранні. Сергелю прысудзілі расстрэл, а Колб — 25 гадоў пазбаўлення волі (у Беларусі смяротнае пакаранне ці пажыццёвы тэрмін жанчынам не прысуджаюцца).
Але ж Віктар Сергель пасля прысуду падаў апеляцыю (па інфармацыі партала tut.by, сам Сергель не аспрэчваў прысуд, апеляцыя была ідэяй яго адвакатаў). Але Вярхоўны суд вырашыў, што літасці мужчына не заслугоўвае. Такім чынам, Сергеля расстраляюць.
«Непадкупным» беларускім дыпламатам у Малдове аказаўся кадравы супрацоўнік КДБ3
Каментары