Па справе ДТЗ з маршруткай пад Смалявічамі, у якім загінулі 13 чалавек, асудзілі інжынера прадпрыемства, якому належаў МАЗ
Суд Жодзіна прысудзіў да двух гадоў калоніі галоўнага інжынера філіяла «Мінаблаўтатранса» па справе аб ДТЗ з маршруткай, што адбылося пад Смалявічамі 20 лютага 2023 года, і ў якім загінулі 13 чалавек, піша прэс-служба пракуратуры.
Устаноўлена, што 37-гадовы абвінавачаны — галоўны інжынер філіяла аўтамабільнага парку — праявіў злачынную нядбайнасць, не ажыццявіў кантроль за своечасовым праходжаннем дзяржаўнага тэхнічнага агляду грузавым самазвалам МАЗ і дапусціў яго эксплуатацыю з няспраўнай хадавой часткай.
Падчас руху грузавіка 20 лютага 2023 года разбурыліся лісты правай рысоры пярэдняй падвескі, што прывяло да страты кіраванасці. У выніку аўтамабіль выехаў на паласу сустрэчнага руху і сутыкнуўся з маршруткай Citroen, якая везла пасажыраў па маршруце «Смалявічы — Мінск праз Пекалін».
Загінулі кіроўца і 12 пасажыраў маршруткі, былі нанесеныя цяжкія цялесныя пашкоджанні сямі пасажырам маршруткі;
матэрыяльныя выдаткі ў выніку ўзнікнення надзвычайнай сітуацыі, аказання медыцынскай дапамогі і лячэння пацярпелых грамадзян перавысілі 270 тыс.рублёў.
У судовым пасяджэнні абвінавачаны сваю віну не прызнаў.
Нагадаем, што ў верасні 2023 года кіроўцу гэтага МАЗа прысудзілі да 7 гадоў калоніі
-
У Асіповіцкім раёне кіроўца чакаў на аварыйцы ДАІ, а ў ягоны аўтамабіль урэзалася іншая машына
-
У Смаргоні п'яны хлопец так засмуціўся, што ва ўсіх машыны ёсць, а ў яго няма, што разбіў 9 аўто і заснуў у адной з іх
-
Стала вядома прычына смерці мужчыны, цела якога некалькі дзён праляжала ў прыпаркаванай машыне ў Мазыры
Каментары