Свет

Джуліяна Асанжа вызвалілі з турмы ў Лондане, у якой ён адбыў пяць гадоў

Ён рыхтуецца заключыць угоду з ЗША, каб не трапіць у турму там.

Wikileaks

Заснавальнік WikiLeaks Джуліян Асанж рыхтуецца да ўгоды з амерыканскім правасуддзем, у рамках якога ён прызнае сябе вінаватым у разгалошванні вайсковых таямніц і выйдзе на волю, вынікае з судовых дакументаў, апублікаваных у ноч на аўторак, піша Бі-бі-сі.

У адпаведнасці са здзелкай, 52-гадоваму Асанжу будуць выстаўленыя абвінавачванні ў змове з мэтай атрымання і раскрыцця звестак пра нацыянальную абарону.

Чакаецца, што Асанж будзе прысуджаны да 62 месяцаў турэмнага зняволення з залікам пяці гадоў, якія ён ужо правёў у брытанскай турме, аспрэчваючы экстрадыцыю ў ЗША, пасля чаго будзе вызвалены і зможа вярнуцца на радзіму ў Аўстралію.

Спачатаку заснавальніка WikiLeaks абвінавачвалі па 18 пунктах, у асноўным — па законе аб шпіянажы, у сувязі з апублікаваннем канфідэнцыйных вайсковых дакументаў і дыпламатычных дэпеш, якія тычацца войнаў у Афганістане і Іраку.

Чакаецца, што ўгода, у рамках якой ён прызнае сябе вінаватым па адным пункце, будзе аформленая ў сераду ў судзе Паўночных Марыянскіх астравоў — тэрыторыі ЗША ў заходняй частцы Ціхага акіяна.

У WikiLeaks паведамілі, што ў панядзелак Асанж быў вызвалены з турмы «Белмарш» на паўднёвым усходзе Лондана і пакінуў Брытанію.

«Джуліян Асанж на волі. Ён пакінуў турму строгага рэжыму «Белмарш» раніцай 24 чэрвеня, правёўшы ў ёй 1901 дзень. Высокі суд Лондана вызваліў яго пад заклад, і днём ён быў адпушчаны ў аэрапорт «Станстэд», дзе сеў на самалёт і паляцеў з Вялікабрытаніі», — напісалі яго паплечнікі ў сацсетцы X.

Яны адзначылі, што ўгода стала магчымая дзякуючы глабальнай кампаніі падтрымкі пасля працяглых перамоў з Міністэрствам юстыцыі ЗША, і дадалі, што афіцыйна працэдура яшчэ не завершаная.

Як паведамляе CNN са спасылкай на крыніцы, прадстаўнікі ФБР і Мінюста ЗША выступалі супраць любой угоды, якая не ўключае прызнанне Асанжам сваёй віны ў крымінальным злачынстве.

З Лондана самалёт з Асанжам накіраваўся ў Бангкок. Высокапастаўлены тайландскі чыноўнік паведаміў AFP, што бізнэс-джэт спыніцца ў міжнародным аэрапорце «Донмыанг» для дазапраўкі і ўвечары вылеціць на востраў Сайпан.

Пасяджэнне ў Федэральным акруговым судзе Паўночных Марыянскіх астравоў на Сайпане прызначана на 9-ю раніцы серады (01:00 серады па Мінску).

Міністэрства юстыцыі ЗША папрасіла правесці слуханні па справе ў той жа дзень, вынікае з ліста пракурораў.

Як чакаецца, пасля слуханняў і прысуду Асанж будзе вызвалены і адправіцца ў Аўстралію.

Асанж сем гадоў хаваўся ў пасольстве Эквадора ў Лондане, спрабуючы пазбегнуць экстрадыцыі ў Швецыю па абвінавачванні ў сэксуальным гвалце.

Пазней гэтае абвінавачванне было знята. Сам Асанж адмаўляў віну і сцвярджаў, што абвінавачванні шведскіх уладаў — толькі падстава для яго экстрадыцыі ў ЗША.

У 2019 годзе Асанжа выселілі з амбасады, патлумачыўшы гэта парушэннямі ўмоў давання прытулку з яго боку, і пазбавілі эквадорскага грамадзянства.

Брытанскія ўлады арыштавалі Асанжа і змясцілі ў турму строгага рэжыму «Белмарш», пасля чаго пачаўся судовы працэс аб яго экстрадыцыі ў ЗША.

Заснаваны Асанжам у 2006 годзе сайт Wikileaks пачаў публікаваць сотні тысяч амерыканскіх сакрэтных дакументаў і дыпламатычную перапіску ў 2010 годзе.

Амерыканскія ўлады называлі публікацыю адной з найбуйнейшых уцечак сакрэтнай інфармацыі ў гісторыі краіны.

У 2010 годзе на сайце быў апублікаваны відэазапіс з амерыканскага вайсковага верталёта, на якім відаць, як у Багдадзе забіваюць больш за дзясятак іракскіх мірных жыхароў, а таксама двух рэпарцёраў Reuters.

ЗША сцвярджалі, што сваімі публікацыямі Асанж паставіў пад пагрозу жыцці сотняў амерыканскіх грамадзян.

Каментары

Замах на Дональда Трампа: у яго стралялі ў час выступу ў Пенсільваніі25

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

Папулярны польскі трэвэл-блогер расказаў пра сваю паездку ў Беларусь і даў парады18

У мінскай краме знайшлі прадукт, які каштуе 12 тысяч рублёў за кілаграм. Ён запакаваны ў бокс супраць крадзяжу

Буйныя донары-дэмакраты збіраюцца замарозіць 90 мільёнаў даляраў унёскаў на кампанію Байдэна1

«Пачуй мяне. Ты — мудак». Прапагандыст Казакоў у жывым эфіры даў майстар-клас завочнай палемікі16

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі25

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →