Грамадства88

Хрэнін пракаментаваў намёк Пуціна пра пастаўкі зброі ў Беларусь, каб наносіць удары па аб'ектах у Еўропе

Міністр абароны Віктар Хрэнін назваў глупствам выказванні пра тое, што з тэрыторыі Беларусі будуць бамбіць заходнія краіны.

Віктар Хрэнін, міністр абароны Беларусі. Скрын відэа СТБ

У пачатку чэрвеня Пуцін намякнуў пра пастаўкі зброі ў Беларусь, каб «наносіць удары па адчувальных аб'ектах іншых краін».

«Калі хтосьці лічыць магчымым пастаўку Украіне зброі, якая дазваляе наносіць удары па Расіі, то чаму Расія не можа пастаўляць падобную зброю ў рэгіёны, адкуль будуць наносіцца ўдары па адчувальных аб'ектах іншых краін?»

— казаў тады ён.

Якія гэта рэгіёны, Пуцін не назваў, але можна меркаваць, што ён меў на ўвазе Беларусь як адзіную краіну з ягоных блізкіх саюзнікаў, якая непасрэдна мяжуе з НАТА і з тэрыторыі якой сапраўды зручна пагражаць Польшчы і краінам Балтыі. Раней ужо было прынята рашэнне аб размяшчэнні на тэрыторыі Беларусі тактычнай ядзернай зброі, і яна, як мяркуецца, ужо ў Беларусь дастаўленая.

Хрэнін пракаментаваў тыя словы Пуціна.

«Расіі зусім не трэба нешта яшчэ дадаткова пастаўляць на тэрыторыю Рэспублікі Беларусь, каб выканаць тыя задачы, якія закладвае прэзідэнт Расіі. У іх дастаткова сваёй зброі і дастаткова тых краін, саюзнікаў, з якімі яны могуць працаваць»,

— заявіў міністр у інтэрв'ю СТБ.

Ён назваў глупствам выказванні пра тое, што з тэрыторыі Беларусі будуць бамбіць заходнія краіны.

«Глупства нейкае поўнае. На тэрыторыі нашай краіны без ведама кіраўніцтва нашай краіны нічога не робіцца. Пра гэта не раз казаў наш прэзідэнт. Ну і, урэшце, ёсць Саюзная дзяржава, і ёсць ваенная дактрына Саюзнай дзяржавы, дзе дакладна вызначана, як будзе ўжывацца гэтая зброя. Таму тут будзем прытрымлівацца толькі тых нормаў і правілаў, якія вызначаны і ёсць дамоўленасці», — сказаў Хрэнін.

Каментары8

  • Hubby
    23.06.2024
    Калі Хрэнін кажа што нападу з тэрыторы Беларусі на суседнюю краіну не будзе, то адразу на ўспамін 24 лютага 2022. Так сама ніхто не забыў як Хрэнін па тэлефоне за дзень да паўнавартаснай агрэсіі супраць Украіны даваў "слова афіцэра" міністру абароны Украіны што нападу з тэрыторы Беларусі не будзе, а ўжо 24 лютага 2022 заікаючыся прапанаваў Украіне капітуляцыю агучваючы загады сваіх расейскіх начальнікаў.
  • Get
    23.06.2024
    Спачатку яны кажуць што нападу з тэрыторыі Беларусі не будзе , а пасля распавядаюць "адкуль рыхтаваўся напад" і карту готовы паказаць.
  • Ёсік
    23.06.2024
    Хрэнін, хрэнін, ты што ўкраінцам казаў у пачатку 2022 года? Дырэктар саўгаса ўжо нічога не кантралюе, акрамя кароў у сваіх снах. Ракеты з расеі ляцяць ва Украіну праз тэрыторыю Беларусі, амаль НЛА, якое абяцаюць зьнішчаць. Ну дык пакажыце, а не толькі даўжынёй языкоў мерайцеся.

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

Як Байдэн прымаў рашэнне адмовіцца ад удзелу ў выбарах прэзідэнта ЗША. Хроніка выходных1

Расійскі след у шалёна папулярнай гульні Hamster Kombat усё больш відавочны1

На якіх умовах беларусы могуць атрымаць грамадзянства Іспаніі, Партугаліі, Германіі і іншых краін13

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк6

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей4

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

Ігар Стралкоў (Гіркін) будзе працаваць краўцом у калоніі1

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі13

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →