Hramadstva88

Chrenin prakamientavaŭ namiok Pucina pra pastaŭki zbroi ŭ Biełaruś, kab nanosić udary pa abjektach u Jeŭropie

Ministr abarony Viktar Chrenin nazvaŭ hłupstvam vykazvańni pra toje, što z terytoryi Biełarusi buduć bambić zachodnija krainy.

Viktar Chrenin, ministr abarony Biełarusi. Skryn videa STB

U pačatku červienia Pucin namiaknuŭ pra pastaŭki zbroi ŭ Biełaruś, kab «nanosić udary pa adčuvalnych abjektach inšych krain».

«Kali chtości ličyć mahčymym pastaŭku Ukrainie zbroi, jakaja dazvalaje nanosić udary pa Rasii, to čamu Rasija nie moža pastaŭlać padobnuju zbroju ŭ rehijony, adkul buduć nanosicca ŭdary pa adčuvalnych abjektach inšych krain?»

— kazaŭ tady jon.

Jakija heta rehijony, Pucin nie nazvaŭ, ale možna mierkavać, što jon mieŭ na ŭvazie Biełaruś jak adzinuju krainu ź jahonych blizkich sajuźnikaŭ, jakaja niepasredna miažuje z NATA i z terytoryi jakoj sapraŭdy zručna pahražać Polščy i krainam Bałtyi. Raniej užo było pryniata rašeńnie ab raźmiaščeńni na terytoryi Biełarusi taktyčnaj jadziernaj zbroi, i jana, jak miarkujecca, užo ŭ Biełaruś dastaŭlenaja.

Chrenin prakamientavaŭ tyja słovy Pucina.

«Rasii zusim nie treba niešta jašče dadatkova pastaŭlać na terytoryju Respubliki Biełaruś, kab vykanać tyja zadačy, jakija zakładvaje prezident Rasii. U ich dastatkova svajoj zbroi i dastatkova tych krain, sajuźnikaŭ, ź jakimi jany mohuć pracavać»,

— zajaviŭ ministr u intervju STB.

Jon nazvaŭ hłupstvam vykazvańni pra toje, što z terytoryi Biełarusi buduć bambić zachodnija krainy.

«Hłupstva niejkaje poŭnaje. Na terytoryi našaj krainy bieź viedama kiraŭnictva našaj krainy ničoha nie robicca. Pra heta nie raz kazaŭ naš prezident. Nu i, urešcie, jość Sajuznaja dziaržava, i jość vajennaja daktryna Sajuznaj dziaržavy, dzie dakładna vyznačana, jak budzie ŭžyvacca hetaja zbroja. Tamu tut budziem prytrymlivacca tolki tych normaŭ i praviłaŭ, jakija vyznačany i jość damoŭlenaści», — skazaŭ Chrenin.

Kamientary8

  • Hubby
    23.06.2024
    Kali Chrenin kaža što napadu z terytory Biełarusi na susiedniuju krainu nie budzie, to adrazu na ŭspamin 24 lutaha 2022. Tak sama nichto nie zabyŭ jak Chrenin pa telefonie za dzień da paŭnavartasnaj ahresii suprać Ukrainy davaŭ "słova aficera" ministru abarony Ukrainy što napadu z terytory Biełarusi nie budzie, a ŭžo 24 lutaha 2022 zaikajučysia prapanavaŭ Ukrainie kapitulacyju ahučvajučy zahady svaich rasiejskich načalnikaŭ.
  • Get
    23.06.2024
    Spačatku jany kažuć što napadu z terytoryi Biełarusi nie budzie , a paśla raspaviadajuć "adkul rychtavaŭsia napad" i kartu hotovy pakazać.
  • Josik
    23.06.2024
    Chrenin, chrenin, ty što ŭkraincam kazaŭ u pačatku 2022 hoda? Dyrektar saŭhasa ŭžo ničoha nie kantraluje, akramia karoŭ u svaich snach. Rakiety z rasiei laciać va Ukrainu praz terytoryju Biełarusi, amal NŁA, jakoje abiacajuć źniščać. Nu dyk pakažycie, a nie tolki daŭžynioj jazykoŭ mierajciesia.

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →